17.04.2008 / 16:02

Лукашэнка: 18-гадовым дзяўчатам час раджаць, што яны і робяць у вас у школах? 31

Пераход да 12‑гадовага школьнага навучаньня — адно з самых вострых пытаньняў разьвіцьця адукацыйнай сыстэмы, лічыць Аляксандар Лукашэнка.


Пераход да 12-гадовага школьнага навучання — адно з самых вострых пытанняў развіцця адукацыйнай сістэмы.

Як паведамілі афіцыйныя крыніцы, аб гэтым заявіў прэзідэнт Беларусі Аляксандр Лукашэнка 17 красавіка на нарадзе па пытанні мэтазгоднасці 12-гадовага навучання ў сярэдняй адукацыйнай школе.

Паводле яго слоў, гэтую праблему варта разгледзець комплексна, улічваючы ўсе аспекты яе ўплыву на грамадства, і прыняць канчатковае рашэнне. Для гэтага, у прыватнасці, трэба адказаць на пытанні: ці сталі дзеці больш разумнымі і здаровымі ад таго, што пайшлі ў школу ў шасцігадовым узросце і правядуць там цэлых 12 гадоў; ці так ужо патрэбна грамадству 12-гадовая сярэдняя адукацыя з профільным навучаннем; у што лішні год навучання ў школе будзе штогод абыходзіцца дзяржаве; якія сацыяльныя, маральныя і прававыя наступствы атрымае грамадства, затрымліваючы за партай дарослых маладых людзей?

Прымаючы рашэнне, паводле слоў А.Лукашэнкі, варта ўлічваць не толькі пазіцыю Міністэрства адукацыі, але і меркаванне грамадства. У прыватнасці, інфармацыйна-аналітычным цэнтрам было праведзена сацыялагічнае даследаванне аб меркаванні грамадзян, у тым ліку настаўнікаў школ, па пытанні 12-гадовай адукацыі, вынікі якога будуць агучаны на нарадзе.

А.Лукашэнка заявіў, што дзяржава гатова адмовіцца ад 12-гадовага школьнага навучання ў выпадку прызнання яго немэтазгодным.

«Менавіта сёння наступіў апошні тэрмін, калі яшчэ можна падумаць і аб’ектыўна ацаніць наступствы новаўвядзенняў, яшчэ не позна змяніць рашэнне, калі для гэтага будуць дастатковыя падставы», — сказаў ён.

I caм дaў aдкaз, якoе будзе рашэнне: Што гэта за размовы ў педагогаў, калі яны кажуць з аднаго боку пра паскоранае развіццё, акселерацыю, а з іншага трымаюць за партай 17-18-гадовых маладзёнаў, - выказаў здзіўленне Лукашэнка. - Можа, я ўскладняю, але гэтым 18-19-гадовым дзяўчатам ужо час раджаць, што яны і робяць у вас у школах.

MB; БелаПАН

0
Aleś Jurkaviec / Адказаць
17.04.2008 / 16:39
У прынцыпе я згодзен з ягонай ацэнкай сітуацыі. Усе змены, якія праводзіць Міністэрства адукацыі, кранаюць толькі фармальны бок. Насамрэч жа не так важна, колькі вучыць, важна - як вучыць. Аднак жа Лукашэнку гэта гонару не робіць, што ён толькі цяпер раптам узяў і "прасвятлеў"? Як усё роўна не пры ім гэтыя рэформы пачыналіся. Я на такіх вышынях улады не знаходжуся, але мне і тады, калі гэта толькі абмяркоўвалася, было абсалютна зразумелым, што мяняць тэрмін навучання і не мяняць пры гэтым самой сістэмы - тое самае, што біць пугай па вадзе. А прэзідэнту, значыць, трэба было яшчэ змарнаваць дадаткова дзяржаўныя грошы, каб пераканацца, што яны выдаткоўваюцца не туды, куды трэба. Вось ужо сапраўды - толькі разумныя вучацца на сваіх памылках, дурні ж - заўсёды на сваіх.
0
янка-спадар / Адказаць
17.04.2008 / 16:50
а колькі ўжо грошай выдадзена на камандзіроўкі і перападрыхтоўку настаўнікаў, на падручнікі, на семінарі і ўсё астатняе? адразу пытанне: чым думала МінАдукацыі 12 год таму? Здаецца, што тым самым месцам. Спачатку зрабіў, а потым падумаў. Вельмі па-беларуску. Цяпер усё наадварот: настаўнікі пачнуць ездзіць на новыя перападрыхтовачныя курсы і семінары, а МінАдукацыі зноў пачне друкаваць падручнікі па 11-гадовае праграме. Позна піць баржомі, таварыш Лукашэнка. Раней аб грошах трэ' было думаць. P.S Ідэятызм.
17.04.2008 / 16:55
А вось якое рубілава было на сайце СБ пасьля чарговага опуса Рубінава пра сыстэму адукацыі "Педагогический зуд реформаторства": http://www.sb.by/post/64375
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру