29.02.2016 / 20:26

Беларуская студэнтка прыдумала капсулу для рэлаксацыі 39

Студэнтка эканамічнага факультэта БДУ Алена Куранава распрацавала праект па стварэнні цуда-капсулы для аднаўлення біялагічнага патэнцыялу арганізма, паведамілі ў Белдзяржуніверсітэце.

Знешне рэлакс-камера будзе прадстаўляць невялікі бокс, створаны з лёгкага порыстага будаўнічага матэрыялу — керамзіту. Для яго вырабу выкарыстоўваецца айчынная сыравіна.

Бокс дазволіць чалавеку на працягу паўгадзіны аднавіцца пасля напружанага працоўнага дня. Тут можна памераць ціск і пульс, выпіць чыстай вады, уключыць светламузыку. Падаецца паветра, узбагачанае кіслародам. Прадугледжаная магчымасць падключэння да інтэрнэту. «Такая форма адпачынку асабліва актуальная для студэнтаў, якія ў перапынках паміж заняткамі змогуць аздаравіцца, а адна з функцый бокса дазволіць нават праслухаць лекцыю», — сказала Алена Куранава.

Праект быў прадстаўлены на выставе «100 ідэй для Беларусі» ў Мінску. Ён зацікавіў інвестараў з Беларусі і Венгрыі. Студэнтка абрала прапанову інвестара з Мінска. У перспектыве мяркуецца, што капсулы будуць устаноўленыя ў шматлюдных месцах, у тым ліку ў супермаркетах і гарадскіх парках.

Падобныя сліп-боксы распаўсюджаныя за мяжой, асабліва ў Кітаі, Японіі. Іх кошт — ад $12 тысяч да $60 тысяч.

0
Думал и придумал / Адказаць
29.02.2016 / 21:09
Обязательно в капсуле должен быть установлен дозиметр - коньяка по 50 г.+ долька лимона или, на выбор, водочки по 50г.+ соленый огурчик. Количество доз и варианты закусок - без ограничений. Релакс обеспечен.
0
Нейкі чалавек / Адказаць
29.02.2016 / 21:32
Ха-ха, дурамер :)
0
фцф / Адказаць
29.02.2016 / 22:28
Думал и придумал, аўтарка мела на ўвазе капсулу для жанчын, а ў вас ужо мужчынскі варынт. Можаце запатэнтаваць.
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру