12.03.2016 / 16:39

Культура чысціні вакол смеццевых бакаў у дварах адрознівае Беларусь ад перадавых краін Еўропы. І без штрафаў тут не абысціся Абмяркоўвайце! 32

Піша Мікола Бугай.

Мінск, цэнтр цэнтра: Залатая Горка, раён плошчы Перамогі, двор за Палацам мастацтва. Фота зроблена ў канцы працоўнага дня, у пятніцу каля 17.00.

Калі гавораць, што беларускія гарады — чыстыя, я адразу ўспамінаю сметніцы. Не, не урны на праспектах, а кантэйнеры са смеццем у дварах. Вакол іх у кожным другім выпадку валяецца смецце.

На маю думку, горад не можа прэтэндаваць на званне горада высокай культуры, пакуль у ім няма культуры збору смецця.

Якія прычыны такога стану?

Па-першае, гэта недасканаласць тэхналогіі збору смецця і састарэласць смеццязборных машын. Большасць смеццевых бакаў пакамечаныя, старыя. Калі машына такія падымае, частка смецця рассыпаецца. Як толькі дворнік няздольны адразу падмесці, вецер разносіць смецце па двары.

Па-другое, нізкая культура людзей. Пакажыце мне бак з надпісам «Для паперы», дзе б не ляжалі бутэлькі ПЭТ, і наадварот.

Па-трэцяе, адсутнасць у людзей звычкі ці абавязку выносіць смецце ў завязаных пакетах. Людзі сыплюць адкіды ў бакі, яны там смярдзяць на сонцы ўлетку і прымярзаюць узімку.

Каб выправіць першае, трэба інвестыцыі. Яны могуць прыйсці ад кампаній, зацікаўленых у перапрацоўцы адкідаў.

Каб выправіць другое, патрэбныя якасныя, чыстыя, добра абазначаныя смеццевыя бакі і кампаніі сацыяльнай рэкламы.

Каб выправіць трэцяе, бадай, не абысціся без штрафаў і кантролю. Хоць мала хто іх любіць, але славутая «нямецкая акуратнасць» імі была выхаваная.

У кожным разе, праблема сапраўды існуе. Каб у тым пераканацца, досыць падысці да смеццевага бака ў вашым двары.

Мікола Бугай

0
aviator / Адказаць
12.03.2016 / 16:56
Па ўсёй Еўропе тое самае.
0
аматар чысьціні / Адказаць
12.03.2016 / 17:01
У Варшаве на Прагу схадзіце, такога хорару нафоткаеце поўны пат-апарат!
0
алесь / Адказаць
12.03.2016 / 17:03
фота некалькі гадоў. зараз там не такія бакі і не так брудна, але бамжы капаюцца штодня Рэд. Чалавеча, фота сваімі рукамі зрабіў учора.
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру