04.03.2016 / 14:52

Легендарная прэмія «Рок-каранацыя» адраджаецца 2

Легендарная рок-прэмія вернецца да гледачоў пасля перапынку ў чатыры гады.

Гэтую навіну «Народнай Волі» паведамілі заснавальнік прэміі Юрый Цыбін, а таксама прадзюсар і рэжысёр Сяргей Ісакаў.

Па іх словах прэмію чакаюць пэўныя змены: пераможцаў будуць вызначаць не столькі эксперты-музыказнаўцы, колькі масавы глядач праз інтэрнэт-галасаванне. Яно будзе праходзіць на папулярным канале youtube.com, дзе ўжо з'явіўся афіцыйны канал «Рок-Каранацыя». Месца правядзення прэміі вызначаецца.«Гэта залежыць не толькі ад нас, але спадзяемся на мінскую пляцоўку», – кажуць нашыя суразмоўцы.

Да адраджэння «Рок-каранацыі» Сяргей Ісакаў падрыхтаваў меламанам сюрпрыз: на канале ужо выкладзеныя архіўныя відэа, пачынаючы з 2000 года. «Усе архівы аблічбаваныя і апрацаваныя для паказаў па ТБ і ў інтэрнэце, – сказаў Ісакаў. – У розныя гады некаторыя відэа дэманстраваліся па тэлеканалах «Мір» і «Белсат». Але зараз мы ўпершыню апублікуем усё відэа ў поўным аб'ёме». Гледачы ўжо могуць убачыць «N.R.M» з Лявонам Вольскім і маладога Сяргея Міхалка.

0
Зміцер / Адказаць
04.03.2016 / 23:42
Выдатная навіна! І відэа шыкоўныя, настальжы ))
0
Экспэрт / Адказаць
05.03.2016 / 22:50
Я спадзяюся, што аматары музыкі - іншыя, больш культурныя людзі і ня будуць паліваць "Рок-каранацыю" гразёю, так як гэта робяць пэўныя літаратары з прэміяй Гедройця.
Каб пакінуць каментар, калі ласка, актывуйце JavaScript у наладах свайго браўзеру