06.03.2016 / 17:15

Меліціна Станюта ў фотапраекце «Знаёмыя незнаёмкі» 12

Фото: Дзмітрый Масквін

На здымачную пляцоўку аўтарскага праекта стыліста Юліі Паповай і фатографа Дзмітрыя Масквіна «Знаёмыя незнаёмкі» прыма беларускай мастацкай гімнастыкі Меліціна Станюта спусцілася ў літаральным сэнсе з трапа самалёта: усяго за пару гадзін да гэтага яе самалёт прыляцеў з Масквы, дзе спартсменка ўдзельнічала у спаборніцтвах.

Фото: Дзмітрый Масквін

«Але трэба аддаць належнае прафесіяналізму Меліціны, з якім яна падышла да працэсу, — распавядае аўтар праекта. — Літаральна пару хвілін цішыні — і мы ўбачылі іншую Меліціну: яркую, энергічную, прыязную і гатовую да новых здзяйсненняў і подзвігаў!»

Меліціна спыніла свой выбар на шыкоўнай доўгай сукенцы колеру ivory з усеянай камянямі і жэмчугам асіметрычным дэкальтэ і глыбокім разрэзам.

Фото: Дзмітрый Масквін

«Што тычыцца макіяжу, то мяне сёння цягне ў крайнасці, — сказала Меліціна. — Ці гэта будзе пяшчотны нюдавы варыянт, ці ж яркі, збольшага агрэсіўны, з вялікімі вачыма і чырвонымі вуснамі! Давай спынімся на другім варыянце — сёння ён мне бліжэйшы!»

Прычоску мы таксама падабралі, улічваючы густ нашай гераіні. Нізкі еўрапейскі пучок з лёгкім налётам нядбайнасці, які аб'яднаў усе кампаненты нашага вобразу. Улічваючы вельмі шчыльны графік спартсменкі, працаваць давялося хутка, без права на памылку.

«Меліціна адпрацавала, як прафесійная мадэль, а то і за лепш некаторых мадэляў. Не думаючы пра фота і пра тых, хто сабраўся вакол яе, Меліціна проста грала сваю ролю. Яна нібы бегла па летняй траве, ступаючы мякка, гулліва і пяшчотна. Фатографы нават не заўсёды паспявалі за ёй!» — дзеліцца сваімі ўражаннямі адзін з фатографаў Андрэй Барыла.

«Кожная дзяўчына, нават самая моцная, цягавітая, спартыўная, хоча быць прынцэсай — прызналася пасля здымак сама Меліціна. — Вось і мне пашанцавала з запрашэннем у такі праект. Скажу адразу — у мяне было часу менш за Папялушку, бо у той дзень я акурат прыляцела з Масквы, а праз дзень зноў ляцела на спаборніцтвы. Але ў руках добрай феі Юліі я хутка забылася, што яшчэ раніцай прачнулася ў Маскве. Увогуле, я на пару гадзін трапіла ў свет цудоўнай казкі, праўда, на шчасце, абыйшлося без гарбуза!»

Фота: Андрэй Барыла

Фота: Андрэй Барыла

Фото: Дзмітрый Масквін

Фото: Дзмітрый Масквін

Хочаш падзяліцца важнай інфармацыяй ананімна і канфідэнцыйна?

0
Коляда / Адказаць
06.03.2016 / 18:35
Прыгажуня!
0
Петрикин / Адказаць
06.03.2016 / 18:35
Меньше гламура. На природе или с животными было бы лучше. А так красивая девушка.
0
bielarus / Адказаць
06.03.2016 / 21:46
Bella bielaruska !
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру