07.03.2016 / 17:11

Алексіевіч і яшчэ каля 300 дзеячаў культуры патрабуюць вызваліць Саўчанка 5

Каля 300 дзеячаў навукі, культуры, бізнэсу з усяго свету падпісалі зварот у абарону Надзеі Саўчанка, звернуты да еўрапейскіх лідараў.

Яны заклікаюць еўрапейскіх палітыкаў «прыняць надзвычайныя меры з мэтай неадкладнага і безумоўнага вызвалення 34-гадовай Надзеі Саўчанка, грамадзянкі Украіны, выкрадзенай і змешчанай у турму на 20 месяцаў у Расійскай Федэрацыі». На думку аўтараў ліста «наша здольнасць выратаваць яе жыццё будзе праверкай эфектыўнасці міжнароднай дыпламатыі і нашай адданасці еўрапейскім каштоўнасцям».

Ад Беларусі падпісантамі звароту сталі лаўрэатка Нобелеўскай прэміі, пісьменніца Святлана Алексіевіч і перакладчык Сяргей Сматрычэнка. Таксама свае подпісы паставілі літаратары Томас Венцлава (Літва-ЗША) і Эльфрыда Елінэк (Аўстрыя), пісьменнік Віктар Шандаровіч(Расія), рэжысёрка Агнешка Холанд (Польшча), філосаф Бернар-Анры Леві (Францыя). У абарону палоннай украінскай лётчыцы выказаліся Гі Вэрхофштат (былы прэм'ер-міністр Бельгіі), Леў Шлосберг (партыя «Яблоко», Расія) ды іншыя.

Далучыцца да ініцыятывы могуць усе ахвочыя: свой подпіс пад адкрытым лістом можна паставіць.

Як паведамлялася раней, 3 сакавіка Надзея Саўчанка абвясціла сухую галадоўку ў сувязі з тым, што ёй не далі прамовіць апошняе слова ў судзе.

0
Не памяркоуны / Адказаць
07.03.2016 / 21:45
А может всё-таки призвали, а не "требуют".
0
Культура мовы / Адказаць
08.03.2016 / 07:19
СаўчанкА= СаўчанкІ (жаночыя прозвішчы на -ка ў беларускай мове скланяюцца, у расейскай - не) Рэд. Зазірніце ў падручнік.
0
Вера / Адказаць
08.03.2016 / 08:50
Спасибо Светане Алексиевич. В РБ она самый порядочный человек из работников культуры, поработав среди "культурных" работников я поняла, что такое наша культура.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру