09.03.2016 / 19:42

Украіна: Пад Луганскам затрыманы расіянін-рэцыдывіст, якога выпусцілі, каб ён ваяваў за ЛНР 7

Грамадзяніну Расійскай Федэрацыі Уладзіславу Кандалаву, якога на днях затрымалі вайскоўцы і прадстаўнікі Службы бяспекі Украіны ў Луганскай вобласці, пагражае зняволенне да 15 гадоў.

Пра гэта паведаміў кіраўнік апарата кіраўніка СБУ Аляксандр Ткачук на брыфінгу ў сераду ў Кіеве, перадае «Інтэрфакс-Украіна».

«Яму абвешчана падазрэнне аб здзяйсненні злачынства, прадугледжанага артыкулам 258-3 — гэта ўдзел у тэрарыстычнай або стварэнне тэрарыстычнай арганізацыі, а таксама 263 Крымінальнага кодэксу — гэта незаконнае абыходжанне са зброяй», — сказаў Ткачук.

Ён адзначыў, што па ходзе следства не выключана, што дзеянні Кандалава будуць кваліфікавацца, магчыма, і па іншых артыкулах, у залежнасці ад таго, якую доказную базу збяруць следчыя.

«Калі не памыляюся, то прадугледжана да 15 гадоў зняволення за гэтыя злачынствы», — адзначыў Ткачук.

Прадстаўнік СБУ таксама распавёў, што Кандалаў у кастрычніку 2014 года атрымаў пашпарт і чыстыя дакументы ў абмен на тое, што будзе «знаходзіцца на тэрыторыі Украіны і ваяваць за так званую «ЛНР» і незаконна трапіў ва Украіну ў сярэдзіне кастрычніка 2014 года.

Па словах Ткачука, Кандалаў сукупна 16 гадоў знаходзіўся ў зняволенні.

Азначаная асоба была затрыманая работнікамі СБУ і вайскоўцамі з 92 мотастралковай брыгады ў раёне горада Шчасце Луганскай вобласці, пры сабе грамадзянін РФ меў аўтамат Калашнікава з боепрыпасамі.

0
Адидас Бульба / Адказаць
09.03.2016 / 20:13
напэуна, атрымае "Героя Расii"
0
Приятель Андрея Юрьевича / Адказаць
09.03.2016 / 20:31
А гэта, часам, не той самы, якога пуцэн у жывот пацалавау?
0
алекс / Адказаць
09.03.2016 / 20:38
Адидас Бульба, ну в российском суде дело бы однозначно развалилось. Подумаешь задержали с автоматом калашникова.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру