09.03.2016 / 21:07

Берасцеец на Масленіцы падавіўся бліном і ледзь не памёр 14

Хуткаснае паяданне бліноў падчас народных гулянняў у гонар Масленіцы ледзь не скончылася трагічна для 65-гадовага берасцейца, паведамілі на станцыі хуткай медыцынскай дапамогі.

Інцыдэнт адбыўся 6 сакавіка ў гарадскім парку культуры і адпачынку імя 1 Мая. Сярод традыцыйных масленічных забаў быў конкурс па хуткасным паяданні бліноў. Падчас яго правядзення адзін з удзельнікаў падавіўся бліном. Іншароднае цела выклікала асфіксію. Побач дзяжурыла брыгада хуткай медыцынскай дапамогі. Дасведчаны фельчар аказаў пацярпеламу дапамогу і паспяхова правёў рэанімацыйныя мерапрыемствы.

«У такіх сітуацыях галоўную ролю грае фактар часу. У дадзеным выпадку спецыялісты былі на месцы, таму чалавека ўдалося выратаваць. Тым не менш перыяд, калі ён не дыхаў, быў вялікі. Таму для далейшага назірання мужчыну даставілі ў цэнтральную гарадскую бальніцу», — патлумачыла дзяжурная станцыі хуткай медыцынскай дапамогі. Дарэчы, відавочцы здарэння ў парку дзякавалі фельчару хуткай і доўга апладзіравалі яму.

Як паведамілі ў Брэсцкай ЦГБ, у цяперашні час пацярпелы знаходзіцца ў тэрапеўтычным аддзяленні. Яго жыццю і здароўю нішто не пагражае.

0
вой / Адказаць
09.03.2016 / 20:47
Ну вот, блин - комом! Да, блин, в 65 подавиться блином и уйти под смех сограждан из жисти... Знайте же меру, халявщики!
0
Бейлис / Адказаць
09.03.2016 / 20:59
Сразу вспомнилось то стадо, которое с лопаты хватало))
0
гаспадар літоўскі. / Адказаць
09.03.2016 / 21:10
Дурніца ледзь бокам не вылезла. Як кажуць ; -не ў тую дзірку пайшло.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру