Прэзідэнт ЗША Барак Абама падчас тэлефоннай размовы з прэзідэнтам РФ Уладзімірам Пуціным у панядзелак заклікаў вызваліць ўкраінскую лётчыцу Надзею Саўчанка.
Пра гэта заявіў прэс-сакратар пасольства ЗША ў Маскве Уіл Стывенс, паведамляе »Інтэрфакс-Украіна».
«Прэзідэнт ЗША Барак Абама заклікаў свайго расійскага калегу Уладзіміра Пуціна вызваліць затрыманую лётчыцу і парламентарыя Надзею Саўчанка ў адпаведнасці з палажэннямі Мінскіх дамоўленасцей аб неабходнасці вызвалення ўсіх асоб, якія ўтрымліваюцца незаконна», — сказаў амерыканскі дыпламат.
Раней СМІ паведамілі пра тое, што Пуцін асабіста паабяцаў канцлеру Германіі Ангеле Меркель вызваліць Саўчанка пасля прысуду суда.
Абвяшчэнне прысуду прызначанае на 21-22 сакавіка.
0
0
0
0
0
0
