17.03.2016 / 18:56

У Баранавічах у гарадскім аўтобусе памёр мужчына 3

Здарэнне адбылося ў салоне аўтобуса №6 16 сакавіка, каля 23.00. Аўтобус ішоў па вуліцы Кірава ў бок вуліцы Прамысловай.

«Калі я падышла да прыпынку, убачыла, што побач з аўтобусам стаіць «хуткая», — распавяла Intex-press сведка здарэння Дар'я Цітко. — Медработнікі паведамілі, што аўтобус далей не паедзе, таму што там памёр пасажыр і яны чакаюць прыезду міліцыі».

Дактары і кіроўца стаялі поруч з ляжачым на падлозе мужчынам, пасажыраў у аўтобусе не было.

Па словах дактароў «хуткай дапамогі», у мужчыны наступіла раптоўная клінічная смерць. Рэанімацыя аказалася беспаспяховай, растлумачыў загадчык станцыі хуткай і неадкладнай медыцынскай дапамогі г. Баранавічы Васіль Бацкалевіч.

Пры сабе ў мужчыны не было дакументаў. З выгляду яму было каля 45 гадоў.

0
Vf / Адказаць
17.03.2016 / 19:10
Яшчэ адзін да пенсіі не дажыў. Шкада.
0
Pich / Адказаць
17.03.2016 / 19:22
Каго у турму ! Каго напрамкi на суд ТУДЫ у нябёсы !!!
0
Вячка / Адказаць
17.03.2016 / 19:57
На пенсіях будуць жыць толькі бабы з ментамі. Во як будзе на трэцім дзясятку кіравання.
Каб пакінуць каментар, калі ласка, актывуйце JavaScript у наладах свайго браўзеру