21.03.2016 / 14:47

Міністр замежных спраў Польшчы сустрэнецца ў Мінску з Лукашэнкам і пабывае ў Курапатах 2

wprost.pl

Працоўны візіт у Беларусь новы міністар замежных спраў Польшчы Вітальд Вашчыкоўскі правядзе 22–23 сакавіка. Гэта першы з 2010 года візіт у Беларусь польскага чыноўніка такога рангу (у 2014 годзе ў Мінск прылятаў намеснік міністра).

Акрамя сустрэчы з Аляксандрам Лукашэнкам і перамоваў з кіраўніком Міністэрства замежных спраў Беларусі Уладзімірам Макеем, у праграме візіту ёсьць публічныя і прыватныя мерапрыемствы:

У 11:00 22 сакавіка Вашчыкоўскі ўскладзе кветкі да магіл ахвяраў сталінскіх рэпрэсій ва ўрочышчы Курапаты каля Мінска.

У 13:00 ён наведае візавы цэнтр Польшчы ў сталічным гандлёвым цэнтры «Галілеа».

На наступны дзень ён у 15:10 ускладзе кветкі да помніка Элізе Ажэшцы ў Гродне, затым у консульстве правядзе сустрэчу без удзелу прэсы з гродзенскімі палякамі. Таксама міністр наведае з прыватным візітам могілкі і польскую школу ў Ваўкавыску, родным горадзе сваёй маці.

0
Боб / Адказаць
21.03.2016 / 16:39
Вось так ціхай сапай Курапаты зробяцца месцам польскай экспансіі.
0
Крум / Адказаць
22.03.2016 / 09:38
Бобу А колькі разоў на год вы робіце сваю "экспансію" ў Курапаты? Каб захаваць Курапаты, трэба, кба там кожны дзень былі й беларусы, і палякі, і расейцы, і хто заўгодна!
Каб пакінуць каментар, калі ласка, актывуйце JavaScript у наладах свайго браўзеру