21.03.2016 / 20:13

У Оршы п'яны інспектар ДПС збіў на «зебры» школьніцу і будзе звольнены з ДАІ 17

П'яны інспектар ДПС у Оршы збіў на пешаходным пераходзе школьніцу. Ідзе разбіральніцтва, але супрацоўнік ДАІ адназначна будзе звольнены без права аднаўлення, пракаментаваў сітуацыю начальнік аддзялення інфармацыі і грамадскіх сувязей УУС Віцебскага аблвыканкама Андрэй Семяніхін.

ДТЗ з удзелам супрацоўніка ДАІ адбылося ў Оршы 14 сакавіка. Вечарам інспектар ДПС рухаўся па вул. Міру і збіў васьмікласніцу, якая пераходзіла дарогу па нерэгуляваным пешаходным пераходзе. Дзяўчынка атрымала траўмы і была шпіталізаваная. Цяпер яе жыццю і здароўю нішто не пагражае.

Экспертыза паказала, што ў момант учынення ДТЗ кіроўца быў п'яны. Па дадзеным факце Аршанскім міжраённым аддзелам Следчага камітэта праводзіцца праверка. «Пазіцыя кіраўніцтва ведамства ў дачыненні да падобных супрацоўнікаў адназначная — звальненне з органаў унутраных спраў без права аднаўлення», — заявіў Андрэй Семяніхін.

Ён дадаў, што кіраўніцтва УУС гатова аказаць сям'і пацярпелай дзяўчынкі любую падтрымку.

0
грязный гарри / Адказаць
21.03.2016 / 20:23
Неделю молчали,совещались-решали-согласовывали...Сволочи,так у них везде и во всем,что касается своих проделок.А скольких прикрыли и отмазали-одному богу известно.
0
Шуневеч стайл / Адказаць
21.03.2016 / 20:40
Эта правакацэя сделанайя ф Полшэ. Ачэрэднайя инфармацэоннайя атака па ачирненею нашэх орханаф
0
Русафоб, Змагар , Свядомы, Пан, Беларус-Туркабандэравец / Адказаць
21.03.2016 / 20:42
АЗГ "Мiлiцыя". Шуневiча у адстауку!!!!
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру