Пра гэта паведамляе Цэнтр навін ААН.
Лес — гэта залог працвітання чалавецтва, ён адыгрывае важную ролю ў забеспячэнні водазабеспячэння на планеце і ў барацьбе са змяненнем клімату. А між тым кожны год з Зямлі знікае 7 млн га прыродных лясоў, 50 млн га лясных угоддзяў зведвае пажары, гаворыцца ў пасланні Генеральнага сакратара ААН Пан Гі Муна з нагоды Міжнароднага дня лясоў.
Кіраўнік ААН адзначыў, што жыхары Дурбана, Джакарты, Мадрыда, Нью-Ёрка, Рыа-дэ-Жанэйра і многіх іншых буйных гарадоў атрымліваюць значную долю пітной вады з лясных раёнаў. Па меры росту колькасці насельніцтва свету і рэзкага павелічэння попыту на ваду ўсё больш надзённай становіцца задача аховы лясоў як крыніцы вады. Да 2025 года амаль 1,8 млрд чалавек будуць жыць у раёнах, дзе будзе абсалютны дэфіцыт вады, а ў цэлым праблема няхваткі вады можа закрануць дзве трэці насельніцтва свету. Пан Гі Мун заявіў, што інвестыцыі ў лес — гэта страхоўка для нашай планеты.
Сёння Харчовая і сельскагаспадарчая арганізацыя ААН (ФАО) запусціла новую праграму, накіраваную на павышэнне ролі лясоў у паляпшэнні якасці вады і водазабеспячэння. Рэалізацыя гэтай праграмы пачнецца ў васьмі краінах Заходняй Афрыкі: Гамбіі, Гвінеі, Гвінеі-Бісау, Малі, Маўрытаніі, Нігеры, Сенегале, Сьера-Леонэ. Арганізацыя будзе працаваць з мясцовымі арганізацыямі ў мэтах павышэння іх дасведчанасці аб цеснай узаемасувязі паміж лесам і вадой.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары