23.03.2016 / 11:59

Як БНР заваявала незалежнасць Казахстану 5

Нават устаноўчы зьезд ССРБ расейцы-бальшавікі правялі ў дакладна тым жа самым месцы, і назвалі яго амаль слова ў слова гэтак жа сама, як Першы Ўсебеларускі Зьезд сьнежня 1917 г., на якім была ўтвораная будучая Рада БНР

На будынку Тэатру імя Янкі Купалы ў Менску дагэтуль вісіць шыльда, прысьвечаная бальшавіцкаму так званаму «Першаму Ўсебеларускаму Зьезду Саветаў Рабочых, Сялянскіх і Чырвонаармейскіх Дэпутатаў», які адбыўся там у лютым 1919 г.

Толькі ўдумайцеся:

устаноўчы зьезд сваёй марыянэткавай беларускай рэспублікі расейцы-бальшавікі правялі ў дакладна тым жа самым месцы, і назвалі яго амаль слова ў слова гэтак жа сама, як Першы Ўсебеларускі Зьезд сьнежня 1917 г., на якім была ўтвораная будучая Рада БНР.

Гэта была відавічная спроба перацягнуць на сябе легітымнасьць Беларускай Народнай Рэспублікі і Ўсебеларускага Зьезду 1917 году, мімікраваць пад іх, заняць іхнае законнае месца.

Ворагі беларускай дзяржаўнасьці любяць казаць, што беларускую дзяржаву стварылі бальшавікі, а ня самі беларусы. Яны кажуць, што камуністы стварылі «рэспублікі» нават для народаў Цэнтральнай Азіі, якія раней ня мелі дзяржаўнасьці, а значыцца ў любым выпадку аўтаматычна стварылі б і БССР для беларусаў, якая ў 1991 г. нібыта аўтаматычна сталася б незалежнай разам з іншымі рэспублікамі ССР.

Аднак гэты тэзіс красамоўна абвяргаецца хаця б элемэнтарнай храналёгіяй падзеяў. Узбэцкая і Туркмэнская ССР былі створаныя ў 1925 годзе. Таджыцкая ССР створаная ў 1929 годзе, Казахская і Кыргыская — увогуле ў 1936-м. У 1940-м годзе была таксама ўтвораная Карэла-Фінская ССР, потым зноў далучаная да Расеі (РСФСР).

Першая беларуская савецкая рэспубліка (ССРБ) была абвешчаная ў 1919 годзе.

Такім чынам,

на момант стварэньня Казахскай ССР у савецкай Беларусі ўжо пасьпелі адзін раз памяняць канстытуцыю, распачалася і завяршылася савецкая беларусізацыя, прайшло некалькі хваляў рэпрэсій супраць беларускіх незалежнікаў.

Цэнтральнаазіяцкіх рэспублік не было б, калі б перад гэтым не было створана Беларускай ССР, Украінскай ССР і трох закаўкаскіх ССР — то бок, калі б цэнтральная савецкая ўлада не прыняла менавіта гэтую канфігурацыю сваёй дзяржавы у выглядзе фармальна фэдэрацыі некалькіх незалежных савецкіх рэспублік.

А беларускай, украінскай і закаўкаскіх ССР не было б, калі б на іх месцы перад гэтым не было незалежных дзяржаваў і не было б моцнага незалежніцкага руху (у тым ліку збройнага), зь якім бальшавікі былі б вымушаныя лічыцца.

У тым ліку і руху за незалежнасьць Беларусі.

ССРБ/БССР была створаная не на пустым месцы, а відавочна як антыпод, як «савецкая вэрсія» Беларускай Народнай Рэспубліцы, якая зьявілася перад гэтым. Нават абвешчаныя першапачатковыя межы ССРБ супадалі з межамі БНР.

Акупаваўшы Беларусь, сваёй самай першай пастановай бальшавікі забаранялі дзейнасьць Рады БНР. Бо Рада БНР і ідэя незалежнай Беларускай Народнай Рэспублікі уяўлялі для савецкай улады рэальную пагрозу.

Бальшавікі былі вымушаныя стварыць марыянэткавую рэспубліку на месцы БНР толькі і выключна таму, што беларускі нацыянальны рух — адзіная сіла, якая патрабавала незалежнасьці ці хаця б аўтаноміі для Беларусі — стаў фактарам, зь якім нельга было не лічыцца.

Стварыўшы БНР, беларусы навязалі бальшавікам парадак дня і паставілі іх перад неабходнасьцю стварэньня асобнай беларускай рэспублікі, а ня некалькіх дадатковых абласьцей у складзе РСФСР.

Бальшавікам было выгадней накіраваць беларускі рух у рэчышча БССРаўскай квазідзяржаўнасьці, чым наўпрост супрацьстаяць балахоўцам, партызанам-незалежнікам, масаваму незалежніцкаму і нацыянальна-адраджэнскаму руху сярод беларускіх інтэлектуалаў.

Беларусы з зброяй у руках патрабавалі сабе незалежнасьці — і бальшавікі былі вымушаныя ім даць хаця б фармальныя атрыбуты яе. А разам зь беларусамі аўтаномію атрымалі і многія іншыя народы былой Расейскай Імпэрыі.

З надыходзячым Днём Волі!

Алесь Чайчыц

0
однако / Адказаць
23.03.2016 / 14:21
Это Сталин виноват. Это он дал "добро" на образование отдельных от РСФСР республик. Еще одно преступление кровавого тирана!
1
Sum / Адказаць
23.03.2016 / 19:09
однако, хорошо, что ты против Сталина! Значит и против самостоятельной раисси.
1
666 / Адказаць
23.03.2016 / 19:46
однако, ваша ирония глупая. Более того, абсолютна неграмотная исторически. Сталиноленины, купленные на немецкие деньги для развала имперской России в Первой мировой войне, торговали свалившимися на них, пройдох, территориями и народами, им не принадлежавшими, как последние жулики. В конце февраля 1918 года они подарили Германии кусок царской России, равный четверти территории западной Европы, только бы спасти свой преступный кровавый режим политических шарлатанов. После краха Германии они временно вернули себе то, что отдали ей, и стали мыслить глобально, устраиваться "всерьез и надолго", т.е. заменять БНР, УНР на советские суррогаты SS. Потом они полезли в Польшу и получили по наглой морде так, что опять вынуждены были, спасаясь, в атасе находясь, отдать то, что им не принадлежало, и урезать ССРБ до 6 уездов Минской губернии. И вся эта карточная игра, после того как уже околел полоумный Ульянов, продолжалась - с переселениями народов, с перекройкой границ, с созданием марионеточных режимов в СССР и в новосозданной после Второй мировой войны империи советского образца на западе (в виде социалистических сателлитов, пока не сдох Сталин. Но и после него дряхлые генсеки продолжали весь этот маразм - и вот в 1991 году грохнулось все, что неминуемо должно было грохнуться. Поэтому урод с усами, действительно - без скидок и ухмылок - кровавый тиран, заслужил только того, чтобы мир проклял его на века. А его могила на Красной-от-стыда площади в Москве стала местом притяжения всех диктаторов мира, всех политических ублюдков и всех портянок-поцреотов, которые не могут жить без ошейника и плетки. Пусть они там льют свои слезы, а вы искренне плесните керосину в их костер, вокруг которого они водят хороводы, бегают с бубнами, триколорами и георгиевскими ленточками... Шабаш продолжается, но перемрет и вся эта публика. И не только у этой конкретной могилы, но и здесь, где 25 марта люди будут отмечать День Воли.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру