23.04.2008 / 15:59

Заводы МАЗ і МТЗ вынесуць за рысу гораду 3

Да 2011 года менскія прадпрыемствы трэцяй клясы небясьпекі будуць вынесеныя за мяжу гораду.


Да 2010-2011 года сталічныя прадпрыемствы трэцяга класа небяспекі, у тым ліку аўтазавод і трактарны завод, будуць вынесены за мяжу горада. Пра гэта паведаміў старшыня мінскага гарадскога камітэта прыродных рэсурсаў і аховы навакольнага асяроддзя Аляксандр Баравікоў 23 красавіка на прэс-канферэнцыі.

Паводле яго слоў, у перспектыве плануецца таксама вынесці за мяжу горада прамысловыя аб\'екты чацвёртага класа небяспекі. Такія прадпрыемствы значна ўплываюць на стан атмасфернага паветра. Прамысловых аб\'ектаў першага і другога класаў небяспекі ў Мінску няма. Да іх адносяцца, напрыклад, прадпрыемствы па спальванні ядахімікатаў і нафтаперапрацоўцы. А.Баравікоў зазначыў, што яшчэ адным спосабам рэзкага зніжэння выкідаў прамысловых прадпрыемстваў можа стаць іх сур\'ёзнае пераўзбраенне, для якога неабходны значныя інвестыцыі.

Спецыялісты разлічваюць, што прынятыя меры дазволяць знізіць выкіды забрудняльных рэчываў да 2010-2015 года на 7—8 тыс. тон у год.

Разам з тым, паводле слоў А.Баравікова, цяпер сітуацыя з выкідамі стацыянарных крыніц у сталіцы стабільная. Нягледзячы на рост вытворчасці, у апошнія гады аб'ём выкідаў захоўваецца на адным узроўні — прыблізна 35 тыс. тон. У параўнанні з паказчыкамі 1990 года выкіды знізіліся прыкладна на 65 тыс. тон.

"Гэта ўнёсак гарадскіх служб і прыродакарыстальнікаў, вынік укаранення прыродаахоўных мерапрыемстваў на заводах з цеплаэнергетыкай, сельскагаспадарчым машынабудаваннем", — лічыць спецыяліст.

Між тым, зазначыў А.Баравікоў, толькі 15% усіх выкідаў забрудняльных рэчываў прыпадае на стацыянарныя крыніцы, 85% — на аўтатранспарт. Паводле слоў спецыяліста, колькасць аўтамабіляў у Мінску будзе расці, але як станоўчую тэндэнцыю можна адзначыць павелічэнне долі ўладальнікаў новых, больш бяспечных для экалогіі аўтамабіляў, а таксама спажыўцоў якаснага бензіну. Сёння найбольш праблемнымі ўчасткамі дарожнай сеткі з'яўляюцца праспект Дзяржынскага і Партызанскі праспект. У найбліжэйшыя гады плануецца іх рэканструкцыя.

А.Баравікоў сцвярджае, што ў цэлым забруджванне атмасферы ў Мінску нязначнае, калі параўноўваць з сітуацыяй у прамысловых гарадах Расіі і заходніх краін. Самае неспрыяльнае становішча — у раёне вуліцы Ціміразева з-за выкідаў завода ацяпляльнага абсталявання і вялікай колькасці транспартных сродкаў.

БелаПАН

0
Maryman / Адказаць
23.04.2008 / 16:55
Heta kab da prezydencyji nie dajšli, kali zusim kiepska rabaciaham stanie.
0
з раёну / Адказаць
23.04.2008 / 17:02
страшная несправядлівасьць. заводы працуюць для гораду, там працуюць гараджане -- а паветра засяраць будуць нам, сялянам. хай бы сядзелі, дзе былі
0
svensk / Адказаць
24.04.2008 / 08:53
з раёну напiсаў(ла) страшная несправядлівасьць. заводы працуюць для гораду чаму гэта для гораду? хто гэта ў горадзе на Беларусах катаецца? трактары робяць для сяла, ды й МАЗы немала, так няхай і вам пазасяраюць :) , нам і аўтамабільных выкідаў хапае
Каб пакінуць каментар, калі ласка, актывуйце JavaScript у наладах свайго браўзеру