X MediaBarCamp адбудзецца 26—29 траўня 2016 ў Літве і збярэ разам актывістаў з Беларусі і астатняга свету: ад Кубы да Азербайджана, ад Швецыі да Егіпта.
Арганізатарам MediaBarCamp 2016 з’яўляецца Swedish International Liberal Centre (SILC) у супрацоўніцтве з лакальнымі партнёрамі ў Беларусі і Швецыі. MediaBarCamp — унікальнае мерапрыемства, якое адбываецца ў фармаце не-канферэнцыі і адкрытай прасторы, падчас якой праграма складаецца і ўпарадкаваеца непасрэдна самімі ўдзельнікамі.
Тэма MediaBarCamp 2016 — Art&Transformation, ці мастацтва і трансфармацыі. Мы імкнёмся сабраць разам людзей, каб абмеркаваць становішчы, падзяліцца ідэямі і досведам пра тое, у якой ступені палітычныя пытанні маюць мастацкае паходжанне і наколькі мастацтва можа ўплываць на палітычную сферу. Ці мае мастацтва наогул моц і магчымасці дзеля таго, каб што-небудзь змяніць у грамадстве? Бо кожнае мастацкае дзеянне мае пэўны палітычны складнік.
Мастацтва — гэта артыкуляцыя ўласнай пазіцыі крэатыўнымі сродкамі. І гэта тое, што аб’ядноўвае мастацтва і грамадскае жыццё. Гэта рэакцыя на сучасны момант ці суб’ектыўныя прадчуванні хвалюючай будучыні. Але ж часам творчы чалавек можа так артыкуляваць уласную пазіцыю па актуальных праблемах, як ніводны палітык не змог бы сабе дазволіць. Можа быць, у гэтым і ёсць патэнцыял мастацтва?
Існуе шмат НДА і актараў грамадзянскай супольнасці, якія вельмі актыўна ўключаны ў лакальную палітыку і спрабуюць уплываць на працэс прыняцця рашэнняў. У той жа час існуюць палітычныя арганізацыі і інстытуцыі, якія ўспрымаюць сябе як палітычныя ўстановы, а на самай справе яны дзейнічаюць як НДА ці арт-суполкі. Такім чынам, прапануем вам сустрэцца і абмеркаваць магчымасці і абмежаванні ўплыву крэатыву на грамадства.
Мэтавая аўдыторыя
Блогеры, творцы, перформеры, медыя і палітычныя актывісты, калектывы распрацоўшчыкаў анлайн-праектаў, стваральнікі інавацыйных ідэй, сацыяльныя прадпрымальнікі, актыўныя грамадзяне і іншыя актывісты, якія падзяляюць каштоўнасці свабоды слова і выказванняў, прадстаўнікі сацыяльна-культурных праектаў, якія выкарыстоўваюць разнастайныя медыя тэхналогія для камунікацыі з мэтавай аўдыторыяй.
DEADLINE
18 красавіка 2016 – апошні тэрмін для рэгістрацыя ў якасці ўдзельніка (і для тых у каго ёсць віза, і для дых каму яна патрэбна). Калі ласка, запоўніце анлайн-форму.
Больш падрабязнасцяў тут.
