25.03.2016 / 13:48

Радзькоў: Прэзідэнт чакае ад прадстаўнікоў гуманітарных навук адказу на пытанне, як будаваць грамадства 32

Аляксандр Лукашэнка чакае ад прадстаўнікоў гуманітарных навук адказаў на пытанні аб тым, як будаваць грамадства. Пра гэта заявіў старшыня рэспубліканскага грамадскага аб'яднання «Белая Русь» Аляксандр Радзькоў на семінары «Беларусь у кантэксце глабальных грамадска-палітычных тэндэнцый», які праходзіць 25 сакавіка ў Нацыянальнай акадэміі навук.

Радзькоў нагадаў, што некалькі гадоў таму Лукашэнка прымаў удзел у агульным сходзе акадэміі навук, і тады, паводле слоў старшыні аб'яднання, кіраўніка дзяржавы найбольш зацікавіла тэма вывучэння працэсаў, якія адбываюцца ў грамадстве.

«Гэта праблемы развіцця дзяржавы, грамадзянскай супольнасці і ўнутры краіны, і ў кантэксце развіцця сусветнай цывілізацыі. Тут прэзідэнт вызначыў задачы: трэба зразумець наогул, як развіваецца свет, якія ўнутраныя і глабальныя могуць быць цяжкасці, як нам будаваць грамадства, развіваць яго структуру, улічыць усе небяспекі і не нарабіць памылак», — адзначыў Радзькоў.

Паводле яго слоў, вучоным неабходна знайсці падыходы да таго, каб «зразумець сучасную асобу, якая мае зараз магчымасць аператыўна падсілкоўвацца інфармацыяй, самай маштабнай і самай глыбокай, нават часам забароненай».

«Тым больш, паглядзіце, хто б мог уявіць некалькі гадоў таму, што так «успыхне «Еўропа, што ў Расіі будуць супярэчнасці ў адносінах з Украінай, што ўзнікне зусім незразумелае фарміраванне ІДІЛ з жаданнем стварыць сваю супердзяржаву, дзе людзей з усяго свету нешта прыцягвае, і яны гатовыя ахвяраваць сваім жыццём, ідучы на тэракты? І ці зможа цывілізаваная Еўропа гэтаму супрацьстаяць, ці здольнае хрысціянства супрацьстаяць гэтаму экстрэмісцкаму ісламу? З гэтым трэба разабрацца, і вельмі глыбока», — сказаў Радзькоў.

Пры гэтым ён заявіў, што вучоныя Інстытута філасофіі НАН «адчулі гэтыя пытанні пяць гадоў таму, але мы толькі набіраем абароты, каб усвядоміць гэтыя праблемы».

«Мы, можа быць, і невялікая краіна. Але мы ў цэнтры Еўропы, і мы краіна з інтэлектам. Мы краіна, якая даказала свету, што яна можа супрацьстаяць нават такім трагедыям, як фашызм — гэта ў нас у памяці. І мы можам аб сабе заявіць, можам жыць так, як хочам, але гэта трэба асэнсаваць», — сказаў на заканчэнне Радзькоў.

0
... / Адказаць
25.03.2016 / 14:24
што ты трызніш? якое "успыхне Еўропа"? запамятаваў пра Балканскія войны, Ойстэр і нямецкіх камуністаў? зараз спакойна
0
Лиздзейка / Адказаць
25.03.2016 / 14:26
ці здольнае хрысціянства супрацьстаяць гэтаму экстрэмісцкаму ісламу? http://nn.by/?c=ar&i=167411 http://kinogo.co/2661-agora-2009.html https://ru.wikipedia.org/wiki/%D0%93%D0%B8%D0%BF%D0%B0%D1%82%D0%B8%D1%8F https://ru.wikipedia.org/wiki/%D0%9A%D0%B0%D1%82%D0%B0%D1%80%D1%8B https://ru.wikipedia.org/w/index.php?title=%D0%92%D0%B0%D1%80%D1%84%D0%BE%D0%BB%D0%BE%D0%BC%D0%B5%D0%B5%D0%B2%D1%81%D0%BA%D0%B0%D1%8F_%D0%BD%D0%BE%D1%87%D1%8C&stable=1 Как водится среди христиан лучше начать с хорошей резни инакомыслящих.Предлагаю начать с лебедьки, а потом плавно перейти на униатов и пратестантов,а на десерт закусить католиками и исламом.
0
Лиздзейка / Адказаць
25.03.2016 / 14:34
https://ru.wikipedia.org/wiki/%D0%9A%D0%B0%D1%82%D0%B5%D0%B3%D0%BE%D1%80%D0%B8%D1%8F:%D0%A3%D1%87%D1%91%D0%BD%D1%8B%D0%B5_%D0%94%D1%80%D0%B5%D0%B2%D0%BD%D0%B5%D0%B9_%D0%93%D1%80%D0%B5%D1%86%D0%B8%D0%B8 Язычники Греции создали первую демократию(само слово греческое),а сколько ученых было в древней греции ,Аристотель,Платон,Архимед. А гомер только чего стоит с Илидой и Одисеей. Сейчас так подается ,что язычники были только варварами-канибалами бегавшими в овечьих шкурах и жившие в пещерах. Закалебали такие речи про христианство в светском государстве.
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру