25.03.2016 / 13:54

ЖКГ: Усю «камуналку», у тым ліку электрычнасць і газ, можна будзе аплаціць да 5 красавіка 4

За люты ўсе паслугі ЖКГ, у тым ліку электраэнергію і газ, можна будзе аплаціць да 5 красавіка. Пеня налічацца не будзе. Пра гэта паведамілі ў міністэрстве ЖКГ

«Кажуць, што электрычнасць трэба ўжо сёння аплаціць, потым пеня будзе!», «Ды не, па тэлевізары казалі, што ў гэтым месяцы можна да 5 красавіка ўсе аплаціць», — беларусы працягваюць абмяркоўваць тэму аплаты «камуналкі». І калі раней было пытанне аб сумах, то цяпер — пра тэрміны.

Нагадаем, з-за таго што ўвесь люты чыноўнікі пералічвалі тарыфы, жыроўкі беларусам пачалі разносіць толькі сёння, 25 сакавіка. Традыцыйна гэты дзень быў апошнім, калі можна было заплаціць за «камуналку» без пені.

Аднак гэтым разам (указ пра новыя тарыфы быў падпісаны толькі 23 сакавіка) тэрмін аплаты працягнулі. Так, міністр ЖКГ Аляксандр Церахаў распавёў у эфіры Першага нацыянальнага тэлеканала, што тэрмін зрушваецца на 5 красавіка. «Грамадзяне будуць мець права да 5 красавіка аплаціць суму па рахунак-паведамленнем без штрафаў і рахунак-паведамленняў за пратэрміноўку, бо гэта не па віне чалавека, а па абгрунтаваных прычынах», — запэўніў міністр.

Аднак сёння СМІ са спасылкай на сталічных камунальнікаў паведамілі: «Парадак платы за спажытыя электраэнергію і газ не змяніўся. Разлічыцца за дадзеныя паслугі неабходна да 25 сакавіка.

Па тлумачэнні звярнуліся ў Міністэрства ЖКГ. «Усё можна будзе аплаціць да 5 красавіка», - запэўнілі ў прэс-службе міністэрства.

0
Блогер с Одноклассники.ру / Адказаць
25.03.2016 / 22:04
У меня зарплата 7-го.
0
Цікаўны / Адказаць
26.03.2016 / 09:29
А 5 чысла пеня ўжо будзе ці не?
0
voldemar / Адказаць
26.03.2016 / 10:16
Почта и банки без выходных Иза созданных неудобств нашей верхушки видать совсем дах краiны прахудзiуся раз комуналка легла на плечи лучезарного и его шайки халуев вот еслиб всем вышедшим сверхурочно на работу заплатили с карманов халуев за их касяк я думаю этоб справедливо былоб ну халуйков ненакажут а страдают все !! Казалось бы с обычной коммуналки а такую проблему республиканского масштаба создали и какой страной такая верхушка может править а уж тем более экономику поднять!!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру