28.03.2016 / 13:38

Лукашэнка пра выбары: Няма патрэбы гуляць у нейкую незразумелую дэмакратыю 27

Кіраўнік краіны разлічвае на далейшы рост прафесіяналізму парламента.

Пра гэта кіраўнік дзяржавы заявіў сёння на сустрэчы са старшынёй Палаты прадстаўнікоў Нацыянальнага сходу Уладзімірам Андрэйчанкам.

У 2016 годзе ў краіне павінны адбыцца парламенцкія выбары. Кіраўнік краіны звярнуў увагу, што дэпутаты цяперашняга склікання павінны ўзяць актыўны ўдзел у падрыхтоўцы да будучай выбарчай кампаніі.

На думку кіраўніка дзяржавы, неабходна ўзмацніць працу ў акругах з насельніцтвам, аказаць мясцовым уладам дадатковую дапамогу ў вырашэнні рэгіянальных праблем. Такія меры павінны паспрыяць таму, каб у новы парламент прыйшлі актыўныя, падрыхтаваныя людзі, якія змогуць вырашаць праблемы сацыяльна-эканамічнага развіцця краіны.

Аляксандр Лукашэнка адзначыў, што гэтая праца на дзяржаву і ў дадзеным выпадку няма патрэбы «гуляць у нейкую незразумелую дэмакратыю».

«Адказнасць наша вельмі высокая, бо нас абірае народ. Ён бачыць нас перш за ўсё», — падкрэсліў ён.

Аляксандр Лукашэнка выказаў задавальненне працай парламентарыяў гэтага склікання. Разам з тым ён дадаў, што будзе рабіць усё для таго, каб у парламент абіраліся яшчэ больш прафесійныя дэпутаты.

0
Inhvar / Адказаць
28.03.2016 / 13:49
Якi шчэ парламант? Хто гэтыя людзi,хто iх выбiраў? Няўжо iм самiм ня сорамна там засядаць?
0
Кнехт / Адказаць
28.03.2016 / 13:54
«Адказнасць наша вельмі высокая, бо нас абірае народ. === Парадокс дыктатуры: народ абірае таго, хто яго аббірае,
0
так проста / Адказаць
28.03.2016 / 13:57
Адказнасць наша вельмі высокая, бо нас абірае народ. Само сабой. Той самы, які падняў сабе пенсійны ўзрост
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру