У Мінску грузавік выехаў на сустрэчную паласу і сутыкнуўся з трыма машынамі, паведаміла старшы інспектар па агітацыі і прапагандзе АДАІ Ленінскага РУУС сталіцы Таццяна Красій.
Сёння на скрыжаванні Партызанскага праспекта і вуліцы А.Кашавога сутыкнуліся грузавік, «Мэрсэдэс-Спрынтар», «Пежо-Баксёр» і «Фольксваген ЛТ-46».
Вінаватым у ДТЗ стала кіроўца «Мазды 323». Дзяўчына справакавала аварыю пры рэзкім перастройванні перад святлафорам. Грузавік, які рухаўся за ёй, каб пазбегнуць сутыкнення, выехаў на сустрэчную паласу, дзе і сутыкнуўся з астатнімі аўтамабілямі.
Праз аварыю на перакрыжаванні ўтварыўся вялізны затор.
Кіроўцам шпіталізацыя не спатрэбілася. Машыны, акрамя «Мазды», атрымалі сур'ёзныя механічныя пашкоджанні. Дзяўчына, якая справакавала аварыю, сваю віну прызнала.