02.04.2016 / 09:24

З павышэннем тарыфаў ЖКГ Гродна ператварылася ў «цёмнае царства» 20

Вечарамі я выглядаю ў акно, і мяне ахоплівае жах. У дварах — цемра, якая была, можа, у гады вайны або раней, калі жылі без электрычнасці. Не відаць ні дарогі, ні пад’ездаў, вось нехта пайшоў з ліхтарыкам.

Што здарылася? Перасталі працаваць электрастанцыі? Не, усё банальна. У студзені жыхарам прыйшлося заплаціць са сваіх кішэняў за асвятленне пад’ездаў і лесвіц. І многія проста сталі выключаць знадворныя лямпачкі. У цэнтры горада стала цёмна, як у лесе.

Вось да чаго прывяло бяздумнае рашэнне ўрада аб павышэнні тарыфаў і аплаце дапаможных паслуг. А ў нашым доме ніколі дворнік не мыў калідор і, я думаю, ніколі мыць не будзе. Усё гэта робяць самыя жыхары, калі захочуць або калі набліжаецца нейкае свята.

— Тарыфы ад балды? — іранічна спытаўся прэзідэнт у чыноўніка высокага ранга на нарадзе па пытаннях ЖКГ.

— Так, ад балды, — разгублена адказаў той, выставіўшы сябе на пасмешышча.

Вось так у нас прымаюць рашэнні: не падумаўшы, не спытаўшыся людзей, без праверкі на практыцы. Колькасць злачынстваў у «цёмным царстве», вядома ж, узрасце. Нязручнасцей стала многа. А хто будзе выпраўляць сітуацыю ў лепшы бок? Пушкін?

Хочаш падзяліцца важнай інфармацыяй ананімна і канфідэнцыйна?

Аляксей Буцько, Гродна

0
Віктар / Адказаць
02.04.2016 / 09:47
Канешне, Прэзідэнт строга запытаў, а чыноўнікам адразу давялося адказваць за сваю хітрасць. Цар добры, гэта толькі чынушы самадуры. На самай справе, ніякай там "ад балды" няма. Ва ўмовах жорсткага крызісу дзяржава думае, як бы прымусіць людзей аплочваць большы працэнт ад расходаў на ЖКГ. А вось чаму нашы заробкі не зусім адпавядаюць гэтым расходам, пытацца трэба не ў чыноўнікаў ЖКГ, а вышэй.
0
Войстрык / Адказаць
02.04.2016 / 09:50
не хвалюйся хлопец, усе будзе добра
0
Вася / Адказаць
02.04.2016 / 09:52
Аб чым гэты опус гарадзенскага школьніка? Тока чэсна? Пра што тут? Рэд. Аўтар - не школьнік, а пенсіянер, ветэран працы. Прыкра, што вам нецікава тое, што трывожыць тысячы людзей.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру