Першы мінскі хостэл «Пастаялец» адкрыўся у 2011 годзе непадалёку ад станцыі метро «Магілёўская».
Пасля гэтага гасцініцы эканом-класа ў сталіцы сталі расці як на дражджах. Шмат у чым гэта адбылося дзякуючы правядзенню ў Мінску чэмпіяната свету па хакеі—2014. Аднак пасля ў гэтай сферы наступіў крызіс.
Як перадае карэспандэнт агенцтва «Мінск-Навіны», на ранейшым месцы — на Партызанскім праспекце - «Пастаялец» знайсці не ўдалося, тэлефон хостэла аказаўся недаступны.
Каб высветліць, куды ж падзелася гасцініца-першапраходзец, мы знайшлі яе дырэктара Дзмітрыя Наркевіча:
— Хостел «Пастаялец» зачыніўся і аднаўляць сваю працу не будзе. Увесь мінулы год мы папросту выжывалі — ледзь цягнулі арэнду і «камуналку».
