30.03.2016 / 16:13

Банкрутуюць будаўнічы і аўтамабільны рынак у Малінаўцы 7

Сітуацыя, звязаная з даўгамі кампаній, якія належаць бізнэсмену Юрыю Авяр'янаву, набірае абароты. На мінулым тыдні Эканамічны суд г. Мінска прыняў заяву «Банка ВТБ (Беларусь)» аб банкруцтве кампаніі «Ростэм», асноўным уладальнікам якой з'яўляецца Авяр'янаў. Выглядае, што падобная доля напаткае і іншы ключавы актыў бізнэсмена — ЗАТ «Гандлёвы свет — «Кальцо», які аб'ядноўвае аўтамабільны і будаўнічы рынкі і гандлёвыя цэнтры ў сталічным мікрараёне Малінаўка.

Па інфармацыі TUT.BY, адным з найбуйнейшых крэдытораў кампаніі, якая належыць Авяр'янаву — ТАА «Верса М» (Расійская Федэрацыя) — пададзена заява аб банкруцтве ЗАТ «Гандлёвы свет — «Кальцо». Разгляд заявы і рашэнне пытання аб яго прыняцці адбудзецца 7 красавіка.

«Сапраўды, пытанне аб прыняцці заявы да вытворчасці і пачатку справы аб банкруцтве ЗАТ «Гандлёвы свет — «Кальцо» будзе разглядацца Эканамічным судом Мінскай вобласці 7 красавіка, — растлумачыў прадстаўнік крэдытора, адвакат юрыдычнай фірмы REVERA Андрэй Талочка. — Пазыкі арганізацыі ў цэлым ацэньваюцца ў дзесяткі мільёнаў даляраў».

У дадатак да «Верса М», сярод буйных крэдытораў «Гандлёвы свет — «Кальцо» таксама значацца два буйныя беларускія банкі. Паводле наяўнай інфармацыі, імі з'яўляюцца «Белаграпрамбанк» і «БПС-Сбербанк». У кампаніі таксама маецца істотная запазычанасць і перад інспекцыяй Міністэрства па падатках і зборах Рэспублікі Беларусь па Мінскім раёне. Як і «Ростэм», «Гандлёвы свет — «Кальцо» доўгі час знаходзіцца ў спісах арганізацый, якія дапусцілі запазычанасць па плацяжах у бюджэт.

0
N. / Адказаць
30.03.2016 / 16:31
Рэд. Дзякуй.
0
Нетунеяд-зец / Адказаць
30.03.2016 / 17:25
Там даўно няма чаго рабіць. Асабліва на аўтамабільным.
0
Дзед Талаш / Адказаць
30.03.2016 / 18:13
Банкрутуй - не банкрутуй, ўсё адно палучыш шыш.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру