30.03.2016 / 17:36

Судовы выканаўца арыштаваў грошы на мабільным Анатоля Лябедзькі 12

Судовы выканаўца арыштаваў грошы на балансе нумары мабільнага тэлефона старшыні Аб'яднанай грамадзянскай партыі Анатоля Лябедзькі.

«З учорашняга дня мне ніхто не тэлефануе, — паведаміў палітык. — А сёння я прачытаў атрыманае ўчора апавяшчэнне аб рашэнні судовага выканаўцы накласці арышт на грашовыя сродкі, якія знаходзяцца i паступаюць на зарэгістраваныя нумары маіх тэлефонаў. Пералік сродкаў будзе рабіцца на дэпазітны рахунак аддзела прымусовага выканання Цэнтральнага раёна Мінска».

Лябедзька паведаміў, што 24 сакавіка сустракаўся з судовым выканаўцам. «Я сказаў, што, сувымяраючы свае магчымасці, буду паступова выплачваць штрафы. Мне здавалася, што мы вырашылі гэтае пытанне, я напісаў адпаведную паперу. Але дзеянні былі зробленыя насуперак з тым, пра што мы дамовіліся», — сказаў ён.

Палітык адзначыў, што з восені мінулага года ў яго назапасілася каля 15 штрафаў за ўдзел у вулічных акцыях, аплачаныя два з іх. Агульную суму штрафаў Лябедзька не падлічваў.

29 сакавіка ва УУС Ленінскага раёна Мінска быў выкліканы былы палітвязень Мікола Статкевіч. У РУУС, акрамя супрацоўнікаў міліцыі, палітыка чакалі і судовыя выканаўцы. Яны прапанавалі Статкевічу распісацца пад паведамленнем пра тое, што ён павінен выплаціць тры штрафы на агульную суму 25,2 млн рублёў, прызначаных яму судом за ўдзел у несанкцыянаваных акцыях у Мінску. Таксама яго папярэдзілі пра магчымыя наступствы ў выпадку нявыплаты штрафаў, прыстрашыўшы адключыць мабільную сувязь, забараніць карыстацца аўтамабілем і выязджаць за мяжу.

На дадзены момант Статкевіч даступны па тэлефоне. «Калі яны сваю пагрозу рэалізуюць, то гэта ў іх будзе праблема да мяне датэлефанавацца. У любым выпадку знойдзецца магчымасць зарэгістраваць на каго-небудзь іншы тэлефонны нумар, і тыя, каму гэта трэба, яго даведаюцца. Я ўвогуле тут праблемы не бачу. Спалохаць чалавека, які з пяці гадоў чатыры гады праседзеў у камеры, забаронай выезду проста смешна. Зразумела, што такім чынам яны хочуць крыху пагасіць актыўнасць», — заявіў палітык.

0
Русафоб, Змагар, Свядомы, Пан, Беларус-Туркабандэравец / Адказаць
30.03.2016 / 17:50
Спадзяюся, што злачынцы, якiя выпiсваюць штрафы не толькi панясуць крымiнальную адказнасць за свае злачынствы, але i пацерпяць фiнансава
0
Быхов / Адказаць
30.03.2016 / 17:55
А он налог за дармоедство платит?
0
МатрУна / Адказаць
30.03.2016 / 18:24
крахаборы !
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру