30.03.2016 / 17:42

Дрыга: Крытэрам пры выдачы сертыфіката творчым работнікам з'яўляецца прафесіяналізм 5

Галоўным крытэрам пры выдачы сертыфіката творчым работнікам з'яўляецца прафесіяналізм, заявіла сёння першы намеснік міністра культуры Ірына Дрыга.

Праект Кодэкса аб культуры прадугледжвае, што статус творчых работнікаў — членаў творчых саюзаў будуць пацвярджаць гэтыя саюзы. А вольныя мастакі будуць звяртацца ў экспертную камісію, створаную пры Міністэрстве культуры. У гэту камісію ўваходзяць старшыні або прадстаўнікі творчых саюзаў, вышэйшых навучальных устаноў у галіне культуры, Нацыянальнай акадэміі навук Беларусі. «Але перш чым дакументы трапяць на стол камісіі, яны праходзяць экспертызу. У якасці экспертаў прыцягваюцца спецыялісты і арганізацыі, кампетэнтныя ў розных сферах, сярод іх ёсць дзяржаўныя і прыватныя ўстановы. Прычым бярэцца некалькі экспертных заключэнняў», — сказала Ірына Дрыга.

Прэтэндэнты на атрыманне прафесійнага сертыфіката запрашаюцца на пасяджэнне камісіі. «Яны могуць у дыялогу з членамі камісіі растлумачыць сэнс свайго твора, асаблівасці творчага почырку. І, як правіла, члены камісіі ставяцца станоўча і лаяльна да прэтэндэнтаў», — адзначыла першы намеснік міністра.

Сярод тых патрабаванняў, якія прад'яўляюцца для кандыдата на атрыманне статусу творчага работніка, у першую чаргу высокі мастацкі і прафесійны ўзровень творчасці. Акрамя таго, важна, каб работы прэтэндэнтаў былі прэзентаваны публічна.

«Калі гэта прафесійна, камісія не задае дадатковых пытанняў, але калі гэта непрафесійна, як ні стараліся б сябе прэзентаваць творчыя дзеячы і спасылацца на тое, што камісія не ацаніла іх па нейкіх іншых крытэрах, такога не будзе. Ніякіх асаблівых спісаў наша камісія не мае і імі не кіруецца», — дадала Ірына Дрыга.

Нагадаем, дзеячаў культуры без спецыяльнага сертыфіката Мінкульта плануюць прыраўняць да «дармаедаў».

0
Мордехай В. / Адказаць
30.03.2016 / 18:03
Хто ня хоча быць дармаедам? Танчыце джыгу перад Дрыгай
0
Guinness / Адказаць
30.03.2016 / 18:17
назад у будучыню Самае цікавае - што яны у мастака могуць "кантраляваць" прафесіяналізм, а калі ў любога чыноўніка спытаеш пра вынікі яго апошняй атэстацыі на займаную пасаду, ці на якія адзнакі у ВНУ вычыўся - рызыкуеш атрымаць істэрыку. Карацей - "а суддзі хто?"
0
зеня / Адказаць
30.03.2016 / 18:28
А што кали прэтындэнт мае адносины да творчасьци як яны да культуры?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру