30.03.2016 / 20:36

Мядзведзеў: Беларусь адмовілася прадаць Расіі Мінскі завод колавых цягачоў 27

Прэм'ер РФ Дзмітрый Мядзведзеў прапануе перанесці вытворчасць шасі для расійскай ваеннай тэхнікі з Мінскага завода колавых цягачоў на КАМАЗ.

Прычынай ён назваў тое, што Беларусь не захацела прадаваць гэты завод расійскаму боку.

Заява прагучала падчас візіту Мядзведзева на Мотавіліхінскія заводы ў Пермі, перадае interfax.by.

Там расійскаму прэм'еру паказалі шэраг узораў расійскай ваеннай тэхнікі, якую выпускаюць на прадпрыемстве. Каля транспартна-зараднай машыны 9Т255 РСЗА «Тарнада-З» чыноўнік пацікавіўся, на якім шасі яна вырабляецца. Пачуўшы, што шасі пастаўляе мінскі завод, Мядзведзеў заявіў: «З гэтым МЗКЦ вясёлая гісторыя. Яны тры гады прадавалі гэты МЗКЦ, але так мы ні пра што не дамовіліся».

Таму ён прапанаваў перанесці вытворчасць на КАМАЗ: «Калі не хочуць прадаваць — не трэба, мы на КАМАЗе наладзім вытворчасць».

У жніўні 2015 года Аляксандр Лукашэнка заявіў, што дзяржава пакуль не мае намеру прадаваць Мінскі завод колавых цягачоў, але калі прапануюць 3 мільярды даляраў, то ён падумае. Паводле яго слоў, апошнія год-два яму навязваюць ідэю прыватызацыі і продажу гэтага прадпрыемства. Сам жа Лукашэнка адмоўна ставіцца да ідэі прыватызацыі: «Маё стаўленне да прыватызацыі вы ведаеце. Не мы гэта з вамі стваралі, гэта створана некалькімі пакаленнямі, па меншай меры, мы трэцяе пакаленне, якое тут працуе, і не нам з вамі вырашаць у корані гэтую праблему. Хоць, калі паўстане пытанне, — давядзецца».

0
Дед Мороз / Адказаць
30.03.2016 / 20:57
100500 лет покупали шасси, а теперь "веселая история" :) Надеюсь МЗКТ найдёт более достойных и ответственных за слова потребителей.
0
Намкрыш / Адказаць
30.03.2016 / 21:10
Ну да,русские купят и тогда Украина останется без тягачей,фиг вам!
0
Franak / Адказаць
30.03.2016 / 21:13
Дзе ж яго прададуць, калі праз такі продаж у ЦРУ не будуць нічога ведаць аб носьбітах расейскіх ракет? Цывільнае дык усё можа Рыгоравіч прадаць. З таго, чыя прадукцыя ідзе на кантралюемыя ЗША рынкі побыту. Дадатковыя магчымасьці для ЦРУ мець уразлівае расейскай эканамічнай моцы, А вайсковае Рыгоравіч нічога не прадасць Расеі, таму што рэзідэнт ЦРУ. Наадварот будзе прапанаваць купіць ваенную вытворчасць Расеі у Расеі, хоць афіцыйна і грошай не будзе мець. Пры першай жа магчымасьці гэта зробіць, першай прапанове Расеі. Можа я й адзін гэтае ведаю? Варта ж аб уласнай бяспеке паклапаціцца, сам сябе пытаюся?) Як і Мядзьведзеву варта было гэта зрабіць. Бо ён агент ЦРУ нумар два ва ўсходняй Эўропе.
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру