Міжнародны трыбунал па былой Югаславіі (МТБЮ), што засядае ў Гаазе, апраўдаў лідара Сербскай радыкальнай партыі Ваіслава Шэшаля па ўсіх выстаўленых у яго адрас абвінавачваннях. Такое рашэнне абвясціў старшыня суддзя Жан-Клод Антанэці.
Шэшаль падчас прысуду не прысутнічаў. З лістапада 2014 года Шэшаль, у якога дыягнаставана анкалагічнае захворванне, знаходзіцца ў Сербіі і вярнуцца ў Гаагу, нягледзячы на патрабаванні трыбунала, адмовіўся.
Ваіслаў Шэшаль добраахвотна здаўся МТБЮ ў лютым 2003 года. Яму былі прад'яўленыя абвінавачванні ў злачынствах супраць чалавечнасці, а таксама «ў парушэнні законаў і звычаяў вайны», учыненых з 1991 па 1993 год на тэрыторыі Харватыі, Ваяводзіны (Сербія), Босніі і Герцагавіны.
Лідар Сербскай радыкальнай партыі сваю віну катэгарычна адмаўляў. Бок абвінавачвання, як паведамлялася, патрабавала прысудзіць яго да 28 гадоў пазбаўлення волі.