31.03.2016 / 17:40

ЕС павялічвае фінансавую падтрымку Беларусі 6

 У 2016 годзе Еўрасаюз павялічыць фінансавую падтрымку Рэспублікі Беларусь у два разы, паведаміла журналістам 31 сакавіка ў Мінску кіраўнік прадстаўніцтва ЕС у Беларусі Андрэа Віктарын.Сёння ў мінскім гатэлі «Рэнесанс» адбылася цырымонія падпісання мемарандумаў аб узаемаразуменні паміж Праграмай развіцця ААН і выканкамамі 30 пілотных раёнаў, якія перамаглі ў конкурсным адборы сумеснага праекта ЕС і ПРААН «Спрыянне развіццю на мясцовым узроўні ў Рэспубліцы Беларусь».

Паводле слоў Віктарын, сёлета Еўрасаюз выдзеліць Беларусі 29 млн еўра. Сродкі пойдуць на рашэнне праблем, звязаных з міграцыяй, рэгіянальным развіццём і эканамічным развіццём краіны ў цэлым. Яшчэ каля 7 млн еўра плануецца выдаткаваць на эканамічнае развіццё рэгіёнаў. «Канчатковы памер сумы яшчэ абмяркоўваецца», — дадала еўрапейскі дыпламат.

«Галоўнае — не лічбы, а арганізацыя супрацоўніцтва паміж мясцовай уладай, грамадзянскай супольнасцю, іншымі партнёрамі з мэтай устойлівага развіцця рэгіёнаў. Важна таксама, каб ініцыятыва развівалася знізу», — падкрэсліла Андрэа Віктарын.

Паводле інфармацыі прэс-службы прадстаўніцтва ААН у Беларусі, падпісаныя мемарандумы «стануць сімвалам гатоўнасці 30 пілотных раёнаў апрабаваць тэрытарыяльна-арыентаваны падыход (ТОР) да развіцця малых гарадоў і сельскіх тэрыторый».

«У далейшым, у пілотных раёнах плануецца правесці маштабную працу па стварэнні мясцовых ініцыятыўных груп па планаванні ТОР, якія аб'ядноўваюць інтарэсы органаў улады, некамерцыйных арганізацый і бізнесу ў распрацоўцы прыярытэтаў развіцця раёнаў. Члены мясцовых супольнасцяў будуць мець магчымасць узяць удзел у навучальных мерапрыемствах і паездках у краіны ЕС па вывучэнні вопыту ў сферы ўстойлівага тэрытарыяльнага развіцця. У канцы 2016 — пачатку 2017 года пройдзе буйны конкурс мясцовых ініцыятыў, у межах якога кожны раён зможа атрымаць да 70 000 еўра на рашэнне праблем мясцовага значэння», — паведамляла прэс-служба прадстаўніцтва ААН напярэдадні падпісання мемарандумаў.

0
ага / Адказаць
31.03.2016 / 17:53
Павялічвайце, а то штрафаў апазіцыі ім малавата будзе.
0
mikola / Адказаць
31.03.2016 / 18:00
Jany sto tut u Bruseli-*ahreneli*?
0
Гледзячы з Варганскай гары / Адказаць
31.03.2016 / 18:05
Няма грошай -- праблема! Далі грошай -- яшчэ большая праблема! Вунь усё Глыбокае перакапалі -- маць іх за нагу -- не прайсці не праехаць! Тожа нейкі забугорны дзядзька даў Глыбокаму грошы на гарадскую каналізацыю! Глыбокае стане цяпер каналізованым горадам!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру