01.04.2016 / 19:01

Профільнае навучанне пачнуць пашыраць у беларускіх школах з новага навучальнага года 4

Профільнае навучанне пачнуць пашыраць у беларускіх школах з новага навучальнага года. Аб гэтым паведаміў сёння журналістам міністр адукацыі Міхаіл Жураўкоў па выніках нарады ў кіраўніка Беларусі па актуальных пытаннях развіцця сістэмы адукацыі.

Паводле слоў міністра, сістэма адукацыі ў школах павінна будавацца так, каб да дзясятага класа кожны вучань вызначаўся, як ён хоча далей удасканальваць свае веды: па інжынерным, прыродазнаўчанавуковым, медыцынскім або іншым напрамку. «Інакш кажучы мы будзем ісці па шляху паглыблення і пашырэння профільнага навучання, разумеючы пад гэтым, што сюды ўкладваецца і паняцце прафесійна-тэхнічнага навучання таксама», — сказаў Міхаіл Жураўкоў.

Галоўнай задачай профільнага навучання будзе падрыхтаваць вучня да здачы цэнтралізаванага тэсціравання і паступлення ў ВНУ. «Па профільных педагагічных класах унесены прапановы, каб іх выпускнікі мелі перавагі перад іншымі абітурыентамі пры паступленні ў педагагічныя ВНУ», — дадаў міністр.

Што датычыцца прапаноў па развіцці вышэйшых навучальных устаноў, якія прапрацоўваюцца ў новай рэдакцыі Кодэкса аб адукацыі, кіраўнік ведамства адзначыў, што Лукашэнка даручыў яшчэ раз узгадніць усе навацыі з усімі зацікаўленымі структурамі.

«Таму мы яшчэ раз уважліва прапрацуем прапановы, якія датычацца бакалаўрыята, магістратуры, новых падыходаў да вызначэння статусу вышэйшай навучальнай установы. Калі ўсё будзе гатова, падрабязна данясём шырокай грамадскасці аб тым, што засталося ў новай рэдакцыі кодэкса», — растлумачыў міністр.

0
Зьвяга / Адказаць
01.04.2016 / 19:08
Рэфарматары ад сахі зноў шукаюць сякеру пад лавай, якая там ляжыць з 90-х гадоў.
0
Юрась Беларус / Адказаць
01.04.2016 / 19:22
Зьвяга, сякера пад лавай у выглядзе профільнага навучання ўжо ўсохла. Сёння на павестцы дня - тэматычнае навучанне. То бок навучанне, скіраванае на імгненнае практычнае прымянненне атрыманых ведаў. Як у Фінляндыі. Профільнае навучанне - гэта каменны век педагогікі.
0
Лявон Баршчэўскі / Адказаць
02.04.2016 / 08:15
2 Юрась Беларусь Тое, што ўкараняецца ў Фінляндыі. зусім ня значыць, што яно пойдзе ўсюды. Паверце пэдагогу з 35-гадовым стажам... Імгненнае прымяненне атрыманых ведаў - гэта карыстаньне інструкцыяй да смартфону? З гэтым можна вельмі далё-ё-ёка зайсьці!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру