01.04.2016 / 19:16

Польшча спрасціла працэдуру атрымання грамадзянства для ўладальнікаў «карт паляка», каб перацягваць людзей на жыхарства 25

Сейм Польшчы прыняў змены закона аб Карце паляка (дакумент, які выдаецца грамадзянам СНД і краін Балтыі і пацвярджае прыналежнасьць да польскага народу), якія прадугледжваюць спрашчэнне працэдуры атрымання польскага грамадзянства для ўладальнікаў гэтага дакумента. Польскія дэпутаты прынялі папраўкі да закона, падрыхтаваныя сеймавай камісіяй па сувязях з палякамі за мяжой, аднагалосна.

PAP

Па словах кіраўніка камісіі, дэпутата кіруючай партыі «Права і Справядлівасць» Міхала Дворчыка, закон закліканы дапамагчы асобам польскага паходжання, якія пражываюць на тэрыторыі краін былога СССР, прыехаць у Польшчу і пасяліцца тут на сталай аснове.

«Мы даём ім такую магчымасць, нават больш — мы даём ім магчымасць вельмі хутка атрымаць польскае грамадзянства. А на працягу першых, самых адаптацыйных месяцаў польская дзяржава акажа ім падтрымку, для таго каб яны адчувалі сябе тут, як дома», — сказаў дэпутат «ПіС».

У студзені гэтага года Сейм Польшчы падтрымаў у першым чытанні папраўкі да закона аб Карце паляка, якія прадугледжваюць прадастаўленне уладальнікам гэтага дакумента амаль тых жа правоў, што і грамадзянам Польшчы.

Дзякуючы прапанаваным зменам у законе, уладальнікі Карты паляка змогуць бясплатна атрымліваць дазвол на знаходжанне ў Польшчы, а пасля года пражывання — аўтаматычна атрымліваць польскае грамадзянства. Акрамя таго, прадугледжваецца, што ўрад часткова аплаціць такім асобам курсы польскай мовы і курсы павышэння кваліфікацыі.

Таксама змены закона даюць юрыдычныя падставы для эвакуацыі і прадастаўленне эфектыўнай дапамогі уладальнікам Карты паляка, у выпадку калі іх жыццю і здароўю пагражае небяспека.

Акрамя таго, уладальнікі Карт паляка будуць вызваленыя ад консульскіх аплат за візы і іншыя заявы.

0
Быхов / Адказаць
01.04.2016 / 19:32
Можно б было карту беларуса ввести и вернуть в РБ, кто уехал после войны.Создать им условия для жизни.
0
Генэрал Голад / Адказаць
01.04.2016 / 19:33
Палякі ратуюць сваю нацыю ад навалы прыхадняў з усходу і выміраньня.
0
300 спартанцев / Адказаць
01.04.2016 / 19:36
Без предоставления автоматический гражданства хрень это все. Например тем кто был выслан на дальний восток или закавказье,сразу дают репатриционную визу,пересекая границу они становятся гражданами Польши.Значит у нас живту какие то нетакие поляки,которые должны доказать свое право быть поляками,а вот поляки из Росии лучше или те которые удрали в Лондон из варшавы. У нас тоже были репресированы граждане Польши,но не департированы,тюрьма нквд или ссылка в сибирь что лучше?
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру