02.04.2016 / 17:48

Дзясяткі армянскіх добраахвотнікаў адправіліся ваяваць з Азербайджанам 21

У Сцепанакерце — сталіцы непрызнанай Нагорна-Карабахскай Рэспублікі (НКР) — да лініі судакранання з азербайджанскімі войскамі накіраваліся дзясяткі добраахвотнікаў. Як паведамляе агенцтва «Інтэрфакс», былыя вайскоўцы арміі НКР на мясцовым тэлебачанні заклікаюць мужчын адправіцца на перадавую.

«Мы гатовыя хоць зараз уступіць у бой або проста маральна падтрымаць на перадавой сваёй прысутнасцю нашых хлопцаў», — сказаў адзін з ветэранаў карабахскай вайны пачатку 1990-х гадоў Аляксандр Аруцюнян.

Арменія і Азербайджан 2 красавіка паведамілі, што ў Нагорным Карабаху пачаліся актыўныя баявыя дзеянні. Бакі канфлікту абвінавацілі адзін аднаго ў масіраваных абстрэлах.

Міністэрства абароны Азербайджана паведаміла, што ў баях загінулі 12 азербайджанскіх вайскоўцаў, быў збіты верталёт Мі-24, на міне падарваўся танк. Ведамства таксама сцвярджае, што «знішчана і паранена больш за 100 ваеннаслужачых узброеных сіл Арменіі». Міністэрства абароны Арменіі абвергла гэтыя звесткі, назваўшы іх дэзінфармацыяй.

Хочаш падзяліцца важнай інфармацыяй ананімна і канфідэнцыйна?

0
шию, порю и плачу / Адказаць
02.04.2016 / 18:26
Соревнование между Радио Армении и Радио Азербайджана.
0
Sum / Адказаць
02.04.2016 / 19:27
Расея яшчэ адну рану раздзірае.
0
Мікола / Адказаць
02.04.2016 / 20:09
ДНР2
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру