08.04.2016 / 21:09

Гульню пра сэксуальныя дамаганні стварылі для афіцэраў арміі ЗША 1

Амерыканскія вайскоўцы замовілі і апублікавалі на афіцыйным сайце milgaming.army.mil інтэрактыўную вучэбную гульню, якая вучыць знаходзіць самы эфектыўны і законны выхад, калі ваш падначалены скардзіцца на сэксуальны пераслед з боку калегі ці іншага афіцэра.

stripes.com

Гульню ELITE SHARP Command Team Trainer на базе дзейных армейскіх інструкцый распрацавалі ў Інстытуце крэатыўных тэхналогій Універсітэта Паўднёвай Каліфорніі, піша армейская газета stripes.com.

SHARP — абрэвіятура, якая расшыфроўваецца як «Рэакцыя і прадухіленне сэксуальнага пераследу і гвалту».

«Калі вы і я ў класе абмяркоўваем SHARP, а потым праглядаем розныя сцэнары, усё вельмі залежыць ад індывідуальных фактараў і настрою вучняў. Камп’ютарныя гульні — гэта цікава, і цяпер генералы бачаць магчымасці, якія яны даюць», — адзначыў маёр Грэг Павлічко, кіраўнік праграмы распрацоўкі трэніровачных гульняў для Сухапутных войск ЗША. 

Аляксандр Гелагаеў

0
Vasili / Адказаць
09.04.2016 / 13:09
Не адчыняецца старонка
Каб пакінуць каментар, калі ласка, актывуйце JavaScript у наладах свайго браўзеру