09.04.2016 / 23:52

«Arche» ладзіць прэзентацыю «Мемуараў» Міхала Клеафаса Агінскага ў Маладзечне — 10 красавіка  3

У нядзелю, 10 красавіка, у Маладзечне адбудзецца прэзентацыя «Мемуараў за 1795-1810 гады» Міхала Клеафаса Агінскага ў перакладзе заўчасна памерлай перакладчыцы Вольгі Рамановіч. Пра самі «Мемуары» і пра іх пераклад раскажа рэдактар публікацыі, вядомы менскі гісторык Алесь Пашкевіч.

Сустрэча пачнецца ў нядзелю, 10 красавіка па адрасе Маладзечна, вул. Чыстая 26. Пачатак а 17 гадзіне. Даведкі па тэл. 29 5507969

На сустрэчы таксама можна будзе азнаёміцца са свежымі нумарамі часопіса «ARCHE» і кніжнымі выданнямі. У прыватнасці, на суд чытачоў будзе вынесены нядаўна апублікаваны пераклад вострасюжэтнага рамана Сяргея Пясецкага «Багам ночы роўныя».

Раман быў напісаны і выдадзены ў наступны год пасля вызвалення аўтара з турмы (1938) і апавядае пра дзейнасць польскіх шпіёнаў і тутэйшых кантрабандыстаў у 1923 годзе на беларускім участку тагачаснай савецка-польскай мяжы. Менск з яго тапаграфічнымі дамінтантамі (губернатарскі сад, гатэль «Парыж») і тагачаснымі прадмесцямі (Серабранка, Мядзведжына, Яркава, Старое Сяло) выступае асноўнай сцэнай, дзе адбываецца дзеянне.

Перыферыйнымі сцэнамі, на якіх разгортваецца дзеянне ў рамане, выступаюць Бабруйск, Ракаў, Вязьма, Лагойск і іншыя гарады і мястэчкі.

«Багам ночы роўныя» — гэта выдатны прыклад вострасюжэтнага шпіёнскага раману з яго неад’емнымі атрыбутамі — падступнасцю, каханнем і сэксам (уключна з такімі формамі сэксуальнай разрадкі, як мастурбацыя, заафілія і лесбійскія ласкі), індывідуальным і калектыўным ужываннем наркотыкаў (пераважна какаіну), пальбой з розных відаў зброі і нечаканай трагічнай канцоўкай.

Гаворка таксама пойдзе пра нядаўна выдадзены нумар «ARCHE» «Срэбны век». Нумар прысвечаны «забытаму» XVII стагоддзю ў беларускай гісторыі. У нумары між іншым друкуецца артыкул аднаго з вядучых спецыялістаў па гісторыі Вялікага Княства Літоўскага ў XVII стагоддзі Анджэя Рахубы «Узброеныя сілы Вялікага Княства Літоўскага ў XVII стагоддзі», разглядаецца структура ўзброеных сілаў ВКЛ у гэты перыяд, усе роды войск і дапаможныя ваенныя фармаванні, якія існавалі на той час, а таксама армейскае камандаванне. У нумары таксама друкуецца артыкул Анджэя Адама Маеўскага «Узяцце Пінска войскам ВКЛ у лістападзе 1648 г.», і іншыя цікавыя тэксты.

0
? / Адказаць
10.04.2016 / 12:34
в очередной раз "презентация" проходит у кого-то на хате. в молодечно действует "фонд огинского". нельзя как-то вместе в публичном месте провести? попросить помещение во дворце культуры, музыкальном колледже, музее? как коммунисты в подполье распространяете что-то из под полы
0
чытач / Адказаць
10.04.2016 / 13:55
ну калі вы гатовыя арганізаваць, усімі рукамі ЗА! тэлефон рэдактара пазначаны. а проста так языком бла-бла-бла ня трэба...
0
МАКВІЛ / Адказаць
10.04.2016 / 21:50
Пасля "Развітання з Радзімай" : На доўгія годы ВАНДРОЎКІ, Наладзіць сустрэчу з Радзімай, Дазволіў спрыяючы лёс яму зноўку!
Каб пакінуць каментар, калі ласка, актывуйце JavaScript у наладах свайго браўзеру