10.04.2016 / 11:06

Інтэрв'ю з беларускамоўным робатам ВІДЭА 5

Гандлёвы цэнтар «Тытан» у Менску нагадвае гэтымі днямі фантастычны фільм: тут можна пабачыць робатаў, якія сьпяваюць, танцуюць, робяць цацкі і вядуць зь людзьмі паўнавартасныя размовы. «Свабода» наведала выставу робататэхнікі, дзе ўзяла інтэрвію ў беларускамоўнага робата.

«Баль робатаў» працягваецца ў Менску ўжо другі месяц. Каля дваццаці робатаў сабраныя з усяго сьвету дзеля адной выставы. Інтэрактыўныя робаты выконваюць розныя функцыі: вызначаюць сумяшчальнасьць людзей, сьпяваюць і чытаюць вершы на запыт, танцуюць.

Адзін з робатаў — R.Bot 100 — вядзе размовы з наведнікамі. Ён ужо мае вялікую базу магчымых пытаньняў і адказаў. А гаворыць з дапамогай моўнага сынтэзатара.

Родная мова Барыса, як называе сябе робат, — расейская. Але яго можна навучыць і іншым мовам. Адмыслова для «Свабоды» арганізатары беларусізавалі Барыса. Што ён думае пра каханьне, курс даляра праз год і робата-прэзыдэнта, глядзіце ў відэаінтэрвію.

Акрамя забаваў, робаты такога тыпу могуць выкарыстоўвацца ў якасьці інфарматараў, кансультантаў, гідаў. Ужо сёньня праходзіць экспэрымэнт па дыстанцыйным навучаньні з дапамогай робата.

«Такіх робатаў можна паставіць замест лектараў ці настаўнікаў, яны могуць распавядаць інфармацыю студэнтам, — кажа Арцём Варанкоў, адміністратар выставы. — Таксама яго можна выкарыстоўваць як робата-няню».

0
патаўпешка / Адказаць
10.04.2016 / 11:27
НН! Зрабіце інтэр'ю з беларускамоўным чалавекам!
0
ВП / Адказаць
10.04.2016 / 11:29
Может внутри сидит карлик))?
0
Мордехай В. / Адказаць
10.04.2016 / 17:22
А вось у Кітае робатаў звольнілі з рэстарана, бо тыя не паспяваюць кліентаў абслугоўваць.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру