28.04.2008 / 15:26

У Менску прэзэнтаваны фільм паводле «Чарнобыльскай малітвы» 7

Кароткамэтражны фільм, зьняты рэжысёрам з Ірляндыі, ствараўся ў Прыпяці, усяго за некалькі кілямэтраў ад чарнобыльскага рэактара. Рэалістычны антураж, праўдзівасьць гісторыі — рэдкі глядач застанецца абыякавы: на праглядзе многія ня здолелі стрымаць сьлёзы.

Хуаніта Уілсан прэзэнтавала фільм паводле «Чарнобыльскай малітвы» ў Менску 26 красавіка.

«Дзьверы» («The Door») — дэбютная кіна‑рэжысэрская праца вядомай прадусаркі й акторкі зь Ірляндыі Хуаніты Ўілсан (Juanita Wilson).

У аснову сюжэта пакладзены «Маналёг пра цэлае жыцьцё, напісаны на дзьвярах» — рэальная гісторыя з кнігі «Чарнобыльская малітва» Сьвятланы Алексіевіч.

Герой стужкі — Нікалай Калугін, у якога ад радыяцыі памірае дачка. Каб пахаваць дзяўчынку паводле сямейнай традыцыі — на дзьвярах роднай хаты — герой адпраўляецца ў Чарнобыльскую зону…

Ролі выконваюць беларускія акторы Ігар Сігаў (Тэатар беларускай драматургіі) і Джульета Казакевіч‑Герынг (Маскоўскі тэатар «Школа сучаснай п’есы»).

Кароткамэтражны фільм, зьняты на кінастужку, ствараўся ў Прыпяці, усяго за некалькі кілямэтраў ад чарнобыльскага рэактара. Рэалістычны антураж, праўдзівасьць гісторыі — рэдкі глядач застанецца абыякавы: на праглядзе многія ня здолелі стрымаць сьлёзы.

Хуаніта Ўілсан спадзяецца, што фільм убачыць шырокая аўдыторыя ў Беларусі — праз распаўсюд, альбо нават па тэлебачаньні. Гісторыя з «Чарнобыльскай малітвы» захапіла яе яшчэ 3 гады таму. Цяпер, калі фільм гатовы, яна адчувае палёгку.

У Менску, у атачэньні актораў, ёй відавочна камфортна. «Разумееце, рэжысэр карыстаецца куды вялікшай любоўю здымачнай групы, чым прадусар», — сьмяецца сп-ня Ўілсан.

Хуаніта Ўілсан на IMDb

Антон Тарас

0
Kuzzy / Адказаць
29.04.2008 / 12:22
Дзе спампаваць?
0
Нацдэм / Адказаць
30.04.2008 / 20:07
Рэдакцыя НН,дзьверы па ангельску Doors. Door гэта дзьвер.
0
Антосік / Адказаць
01.05.2008 / 11:33
Дзядзька, "дзьверы" й "ключы" ў беларускай - у множным ліку. Вучыце мат-частку.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру