18.04.2016 / 09:07

Сайт расійскіх чарнасоценцаў апублікаваў фота Джона Сільвера і расказаў, хто ён 54

На адным з расійскіх чарнасоценскіх сайтаў з'явіўся артыкул, прысвечаны беларусу-заснавальніку сайта 1863х.com, які хаваўся пад нікнэймам John Silver.

Паводле аўтара (якому КДБ забараніў уезд у Беларусь, дарэчы), Джон Сільвер — гэта 25-гадовы ўраджэнец Ліды Эдуард Пальчыс. Яго затрымалі 23 студзеня пры перасячэнні ўкраінска-расійскай мяжы.

Цяпер Эдуард, маўляў, знаходзіцца ў СІЗА-1 па Бранскай вобласці. 

Таксама чарнасоценцы выклалі фота Эдуарда, зробленае, відаць, расійскімі сілавікамі. 

Мы спраўдзілі гэтую інфармацыю ў людзей, прыватна знаёмых з Сільверам. Тыя пацвердзілі, што на фота менавіта ён. 

Цяпер, як пішуць чарнасоценцы, Эдуарда або экстрадуюць у Беларусь, дзе супраць яго заведзеная крымінальная справа, або будуць судзіць у Расіі за змест ягоных публікацый на сайце 1863x.com.

Між тым у прэс-службе Упраўлення МУС па Бранскай вобласці карэспандэнту радыё «Свабода» заявілі, што нічога не ведаюць пра затрыманне беларускага грамадзяніна і ніякай інфармацыі аб гэтым не распаўсюджвалі.

Як паведаміла яшчэ на пачатку сакавіка афіцыйны прадстаўнік СК Юлія Ганчарова, Следчым камітэтам распачата і расследуецца крымінальная справа па ч. 1 арт. 130 (распальванне расавай, нацыянальнай або рэлігійнай варожасці або розні) і ч. 2 арт. 343 (распаўсюджванне парнаграфічных матэрыялаў) КК Беларусі. Паведамлялася, што МУС Беларусі абвясціла яго ў вышук за парушэнне падпіскі аб нявыездзе.

Сайт 1863x.com вылучаўся рэзкасцю і часам радыкальнасцю, вёўся ён па-расейску, прычым цалкам ананімна. Ніхто не ведаў, хто такі Джон Сільвер. Сайт 1863x.com засноўваўся як адказ на расійскі праект «Спутнік і пагром».

Арцём Гарбацэвіч

0
мясцовы2 / Адказаць
18.04.2016 / 10:06
Шкада як чалавека, але ягоны "нацыяналізм" быў занадта бязглузды.
0
Елена / Адказаць
18.04.2016 / 10:13
Надо разобраться в своей жизни прежде чем судить других.Желаю ему духовного просветления!
0
user / Адказаць
18.04.2016 / 10:22
2Елена А я вам желаю отрезвления от своей "духовности".
Паказаць усе каментары/ 54 /
Каб пакінуць каментар, калі ласка, актывуйце JavaScript у наладах свайго браўзеру