19.04.2016 / 22:03

Мутко гарантаваў ЛГБТ недатыкальнасць на ЧС-2018 2

Міністр спорту Расіі Віталь Мутко заявіў, што Расія запрашае ўсіх заўзятараў на Чэмпіянат свету па футболе ў 2018-м годзе незалежна ад іх «пераваг».

Віталю Мутко на сумеснай прэс-канферэнцыі з кіраўніком ФІФА Джані Інфанціна ў Маскве задалі пытанне, як гэта — быць у Расіі заўзятарам нетрадыцыйнай арыентацыі.

Міністр адказаў на гэтае пытанне, ні разу не ўжыўшы словазлучэння «сэксуальныя меншасці» або «сэксуальная арыентацыя».

«Ніхто ні па якіх перакананнях ў нашай краіне не пераследваўся, і ніякіх ушчамленняў правоў і свабод грамадзян не будзе», — сказаў міністр.

«Мы ніколі не робім замаху на асабістае жыццё людзей», — падкрэсліў Мутко. Ён таксама дадаў, што трэба «правільна чытаць і тлумачыць расійскія законы».

На думку міністра, згодна з расейскім законам, «пакуль чалавеку не споўнілася 18 гадоў, ні ў каго не павінна быць права навязваць яму сваю філасофію».

Мутко сказаў, што ў гасцей іншых спаборніцтваў у Расіі, у тым ліку, Алімпійскіх гульняў, гэта раней не выклікала пытанняў.

0
Генэрал Голад / Адказаць
19.04.2016 / 23:29
Ну з ЛГБТ быццам-бы ўсё зразумела... А як з БДСМ? Іх навіна пра недатыкальнасьць дужа расчаруе.
0
Русский обыватель / Адказаць
20.04.2016 / 13:00
Еще раньше это же государство гарантировало целостность Украины, а еще немного раньше - сохранность наших вкладов в сберкассах.
Каб пакінуць каментар, калі ласка, актывуйце JavaScript у наладах свайго браўзеру