20.04.2016 / 17:19

«Гэта неахайнасць журналіста, чыстая!»: АНТ пакарае журналіста, які пусціў у эфір ахінею віцэ-прэм'ера Калініна 78

Сёння беларускі інтэрнэт смяецца са словаў віцэ-прэм'ера Анатоля Калініна, якія трапілі ў эфір дзяржаўнага каналу АНТ.

У кароткім фрагменце інтэрв'ю Калінін выказаўся так заблытана, што гэта стала нагодай для жартаў.

«Большасць нашых грамадзян карыстальнікаў ІТ-тэхналогіямі і інтэрнэт-рэсурсам з 9,5 мільёна грамадзян маюць абаненцкае прыкладанне і карыстанне каля 13 мільёнаў нашых грамадзян. Гэта сведчыць аб тым, што створаны рэсурс, які дазваляе любому карыстальніку выкарыстоўваць самыя сучасныя трафікі для ўкаранення інтэграцыі і развіцця сваіх магчымасцяў попыту інтарэсаў», — сказаў Калінін.

Як такі запіс папаў у эфір?

Пра гэта «Нашай Ніве» расказаў дырэктар інфармацыйнага вяшчання АНТ Руслан Паддубскі.

«Журналіст прыехаў са здымак за дзве хвіліны да эфіру. Не да канца адгледзеўшы відэа, ён змантаваў яго, выдаў. І праз тое, што бракавала часу, не было магчымасці яго прагледзець, праверыць. У нас жа звычайна відэа правяраецца выпускаючым рэдактарам. Гэтую памылку заўважылі, калі было ўжо позна», — сказаў Паддубскі.

«Віцэ-прэм'ер не пакрыўджаны. Гэта працоўныя моманты, ён усё разумее», — дадаў Паддубскі і адзначыў, што сёння Калінін прыйдзе на АНТ і дасць інтэрв'ю Рыгору Кісялю [старшыня праўлення АНТ — НН], у якім патлумачыць сэнс сваіх словаў.

«Гэта неахайнасць журналіста, чыстая! Што з усяго інтэрв'ю выбралі менавіта некарэктную частку. І нейкія дысцыплінарныя меры да яго безумоўна будуць прынятыя, бо гэта парушэнне вытворчай дысцыпліны», — падсумаваў Паддубскі.

Сяргей Гезгала

0
Жэ / Адказаць
20.04.2016 / 17:24
І такія будуць кіраваць АЭС.
0
Александр / Адказаць
20.04.2016 / 17:28
Еще лучше. Они всякую чушь нести будут, а журналюги за ними подчищать, "смысл и глубину мысли" придавая? А без переводчика никак нельзя? Если нет, калинина - в корреспонденты, журналюгу - на место калинина. Может тогда толк появится. Или хотя бы экономия.
0
Alcoholic Rattlesnake / Адказаць
20.04.2016 / 17:31
Некапетэнтны чыноўнік, а пакараюць журналіста (хай сабе і АНТ)?..
Паказаць усе каментары/ 78 /
Каб пакінуць каментар, калі ласка, актывуйце JavaScript у наладах свайго браўзеру