20.04.2016 / 19:55

Матацыкліст, які трапіў у ДТЗ разам з даішнікам, змешчаны пад варту 2

Пракуратура Мінска санкцыянавала заключэнне пад варту матацыкліста, які падазраецца ў здзяйсненні ДТЗ у цэнтры Мінска, у якім цяжкія траўмы атрымаў супрацоўнік ДАІ, паведаміла старшы памочнік пракурора горада Наталля Косач.

Нагадаем, ДТЗ адбылося раніцай 18 красавіка. Супрацоўнік Дзяржаўтаінспекцыі рукамі спрабаваў спыніць матацыкліста, які выязджаў з праспекта Машэрава на скрыжаванне з праспектам Незалежнасці, і апынуўся на перакрыжаванні разам з ім у момант, калі скрыжаванне перасякала інкасатарская машына. У выніку аварыі абодва атрымалі траўмы, супрацоўнік міліцыі — цяжкія.

Канфіскаваныя і далучаныя да матэрыялаў крымінальнай справы некалькі відэазапісаў, з імі працуюць следчыя. Шэраг сведкаў ужо звязаліся з СК і паведамілі значную інфармацыю пра абставіны здарэння. Следчыя органы працягваюць пошук сведак аварыі, якія могуць паведаміць інфармацыю альбо прадставіць відэазапісы, якія маюць дачыненне да гэтага ДТЗ. Паводле папярэдняй інфармацыі, матацыкліст у момант ДТЗ быў цвярозы.

0
MrDDS777 / Адказаць
20.04.2016 / 20:05
Не, ну а как же?! Тут же сбили сотрудника милиции, это ж не рядовой гражданин, читай простой смертный! Я не удивился, если бы мотоциклиста и в бессознательном состоянии поместили под стражу. Где видео с моментом ДТП?! Если там все так однозначно - покажите! А пока что неубедительно.
0
Дзякуй / Адказаць
20.04.2016 / 22:37
MrDDS777, плюсую комменту.
Каб пакінуць каментар, калі ласка, актывуйце JavaScript у наладах свайго браўзеру