20.04.2016 / 21:21

Навукоўцы: Адзінота павялічвае рызыку захворванняў сэрца 5

Згодна з нядаўна праведзеным у Брытаніі даследаваннем, адзінота і сацыяльная ізаляцыя ў значнай ступені павялічваюць рызыку развіцця сардэчна-сасудзістых захворванняў і нават могуць стаць прычынай інфаркту.

deviantart.com

Па выніках аналізу дадзеных апытанняў, у якіх узялі ўдзел больш за 180 тысяч чалавек, навукоўцы з універсітэтаў Ёрка, Ліверпуля і Ньюкасла прыйшлі да высновы, што адзінота можа павялічыць рызыку развіцця сардэчна-сасудзістых захворванняў на 29%.

Даследаванне паказала, што адзінота аказвае на арганізм чалавека такі ж згубны ўплыў, як і стан трывогі ці стрэсу. У сувязі з гэтым навукоўцы заклікаюць медыкаў звяртаць увагу пацыента на важнасць зносін і ўзаемадзеяння з іншымі людзьмі.

Нядзіва, што брытанскія навукоўцы так занепакоеныя праблемай адзіноты — бо, паводле дадзеных апытання, якое штогод праводзіць Нацыянальная статыстычная служба, Брытанія з'яўляецца адной з «самых адзінокіх краін» Еўропы: працэнт брытанцаў, якія адчуваюць сябе самотна, звычайна вельмі высокі.

Паказальным з'яўляецца яшчэ і той факт, што ў 2011 годзе ў Брытаніі была запушчана «Кампанія па барацьбе з адзінотай» (Campaign to End Loneliness). Дзейнасць гэтай сацыяльнай службы накіраваная ў першую чаргу на дапамогу пажылым людзям.

0
ЛуД / Адказаць
21.04.2016 / 01:06
Ожирение увеличивает риск инфаркта а также создание семьи а особенно после того как самка принесёт приплод )))
0
Кнехт / Адказаць
21.04.2016 / 21:12
І не дзіва. Бо няма на кім трэніраваць нервовую сістэму. ;)
0
Літвін-БЕЛАРУС / Адказаць
21.04.2016 / 21:19
Каб прагнаць маркоту : Гані з дому - адзіноту ! Вазьмі - чарку,ды - гітару: Йдзі - ў людзі,шукаць - пару !
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру