Незвычайную карціну маглі назіраць жыхары Брэста ўвечары 21 красавіка ў цэнтры горада. Па праспекце Машэрава ў крайняй правай паласе ехаў БМВ, на даху якога танцавалі хлопец з дзяўчынай. Яшчэ адзін малады чалавек вытанцоўваў на капоце.
Відавочцы паведамілі ў ДАІ. Неўзабаве аўтамабіль быў затрыманы на вул. Дзяржынскага, паведамляе прэс-служба Дзяржаўтаінспекцыі Брэсцкай вобласці.
Высветлілася, што 24-гадовы кіроўца быў цвярозы, у адрозненне ад яго танцуючых сяброў. Дакумент пры сабе мужчына не меў. У дачыненні да кіроўцы складзены тры адміністрацыйныя пратаколы: за парушэнне правілаў эксплуатацыі транспартнага сродку (ч. 9 арт. 18.12 КаАП), парушэнне правілаў перавозкі (ч.5 арт. 18.14) і кіраванне без дакументаў (арт. 18.18).
Яго пасажыры — два хлопцы 22 і 25 гадоў і 21-гадовая дзяўчына атрымалі пратаколы за парушэнне ПДР пасажырамі ў стане ап'янення (ч. 2 арт. 18.23)
