Па дадзеных экзітполаў, на парламенцкіх выбарах у Сербіі перамагае кааліцыя «Аляксандр Вучыч — Сербія перамагае», сфармаваная вакол кіруючай Сербскай прагрэсіўнай партыі (СПП).
Пра гэта паведаміў Цэнтр за свабодныя выбары і дэмакратыю (CЕSID), па падліках якога гэтая кааліцыя атрымае як мінімум 56,2% галасоў.
На другім месцы з 10,9% — кааліцыя, сфармаваная вакол Сацыялістычнай партыі Сербіі на чале з цяперашнім першым віцэ-прэм'ерам і міністрам замежных спраў Івіцам Дачычам.
На трэцім з 7,3% — Сербская радыкальная партыя на чале з Воіславам Шэшалем. Для таго, каб прайсці ў парламент, партыям і кааліцыям неабходна пераадолець пяціпрацэнтны бар'ер.
Партыя была заснавана ў 2008 годзе, знаходзіцца ва ўладзе з 2012-га. Атрымала абсалютную большасць на выбарах два гады таму, што стала беспрэцэдэнтным для Сербіі вынікам. Імкнецца да сяброўства ў ЕС, але таксама выступае за захаванне добрых адносінаў з Расіяй.