25.04.2016 / 14:34

Заляцаўся ў лазні не да той: мінчук праткнуў вока гарадзенцу більярдным кіем 7

За прычыненне цяжкага цялеснага пашкоджання прыйдзецца адказаць маладому чалавеку 1988-го года нараджэння, які прыехаў у Гродна да прыяцеля, які, у выніку, і пацярпеў.

З нагоды сустрэчы гасцінны гаспадар арганізаваў таварышу лазню, запрасіўшы туды сваю сужыцельку і яе сяброўку. Папарыліся, выпілі, і ў нейкі момант нецвярозы мінчанін праявіў цікавасць не да сваёй дзяўчыны, што абурыла яе кавалера. Апошні заступіўся за гонар прадстаўніцы супрацьлеглага полу, за што і паплаціўся здароўем. У ходзе сваркі яго апанент схапіў у рукі са стала більярдны кій і пастаўленным ударам трапіў акурат прыяцелю ў вока. Пацярпелы разам з сяброўкай тут жа пакінулі лазню, але мужчына адразу да лекара не звярнуўся. З раніцы хуткую дапамогу выклікала маці пацярпелага, якая вырашыла, што справа сур'ёзная. Як аказалася, ад удару невялікая частка косткі адкалолася і прайшла праз увесь мозг, спыніўшыся ў процілеглым канцы чэрапа.

Пацярпелы доўга не хацеў прызнавацца аб механізме атрыманай траўмы, пакуль да справы не падключыліся аператыўнікі крымінальнага вышуку. Падазраванага затрымалі калегі з Мінска пры дапамозе спецназа. Супраціву малады чалавек не аказаў.

0
Дзед Талаш / Адказаць
25.04.2016 / 14:57
Не дзіва, што кій прайшоў ўсю галаву і не сустрэў перашкод на сваім шляху.
0
? / Адказаць
25.04.2016 / 15:54
дайте фото и рентгеновский снимок
0
NavuchencaBK / Адказаць
25.04.2016 / 17:23
А што глядзець? Няма мозгу. Ані па выніках падзей, ані як да дохтара не захацеў. Мо, прачытаў, як у сталіцы у Экамедсервісы лекавалі.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру