25.04.2016 / 18:21

Саудаўская Аравія ўхваліла план пазбаўлення ад нафтавай залежнасці 3

Улады Саудаўскай Аравіі ўхвалілі план эканамічных рэформаў, які павінен дапамагчы краіне пазбавіцца ад залежнасці ад нафтавых даходаў.

План атрымаў назву Saudi Vision 2030. Ён уяўляе з сябе праграму дзеянняў на бліжэйшыя гады, якія дапамогуць дыверсіфікаваць эканоміку краіны.

Праграма прадугледжвае стварэнне суверэннага фонду на суму ў 2 трлн даляраў, паведаміў намеснік наследнага прынца краіны Мухамад ібн Салман.

Таксама план прадугледжвае правядзенне прыватызацыі, скарачэнне субсідый і продаж 5% дзяржаўнай нафтавай кампаніі Aramco, выручка ад якой і пойдзе на стварэнне фонду.

Як распавёў Мухамад ібн Салман у інтэрв'ю тэлеканалу «Аль-Арабія», стварэнне суверэннага фонду заклікана ператварыць найбуйнейшага экспарцёра нафты ў глабальную інвестыцыйную дзяржаву.

Па словах Салмана, да 2020 года эканоміка Саудаўскай Аравіі наогул не будзе залежаць ад нафты. Цяпер краіна атрымлівае каля 80% сваіх даходаў ад продажу рэсурсу.

0
Ліцьвін / Адказаць
25.04.2016 / 18:51
Цытата: "Па словах Салмана, да 2020 года эканоміка Саудаўскай Аравіі наогул не будзе залежаць ад нафты. Цяпер краіна атрымлівае каля 80% сваіх даходаў ад продажу рэсурсу." За чатыры гады цалкам пазбавіцца ад нафтавай залежнасьці, калі зараз яна на 80%?!! Як кажуць у народзе, пачутае пабачыць бы...
0
шуруп / Адказаць
25.04.2016 / 21:18
Солнечная электроэнергетика - это будущее Саудовской Аравии.
0
Вова / Адказаць
25.04.2016 / 22:42
Откуда деньги?Их дает ал-х.А если деньги закончатся,что будет с саудитами?Пополнят ряды гастарбайтеров у нас и в РФ?
Каб пакінуць каментар, калі ласка, актывуйце JavaScript у наладах свайго браўзеру