27.04.2016 / 16:34

У Расіі прапануюць увесці такія ж нормы на пасылкі, як у Беларусі — 22 еўра 17

Расійскія чыноўнікі вярнуліся да ідэі зніжэння парога бяспошліннага ўвозу тавараў з замежных інтэрнэт-магазінаў. Цяпер гэта 1000 еўра ў месяц, а можа стаць 22 еўра за пасылку, пішуць «Ведомости».

Федэральная мытная служба (ФМС) накіравала ў Мінфін прапановы знізіць нормы бяспошліннага ўвозу тавараў, заказаных у замежных інтэрнэт-магазінах, паведаміў кіраўнік службы Андрэй Бельянінаў. Існуючыя нормы ўвозу ён назваў «звышліберальнымі», якія «трэба паніжаць». У якасці прыкладу была прыведзена Беларусь, што ўстанавіла падобны да еўрапейскага парог бяспошліннага ўвозу — 22 еўра за пасылку.

У Расіі цяпер не абкладаюцца пошлінамі пасылкі сумарным коштам да 1000 еўра і вагой да 21 кг за адзін каляндарны месяц. Пры перавышэнні ліміту пошліна складае 30 працэнтаў, але не менш як 4 еўра за 1 кг (спаганяецца з сумы, што перасягае парог).

У 2015 годзе Еўразійская эканамічная камісія (ЕЭК) разглядала некалькі прапаноў па зніжэнні бяспошліннага парога кошту (напрыклад, да 150 еўра) і вагі (да 10 кг) пасылак. Яшчэ адзін варыянт: з пасылак коштам 22-150 еўра спаганяць абавязковы збор 10-15 еўра, увесці фіксаваны плацеж у залежнасці ад кошту пакупкі. Тады супраць збораў выступіў Казахстан, дзе, як і ў Расіі, дзейнічае парог 1000 еўра.

У канца 2015 года намеснік кіраўніка ФМС Таццяна Галяндзеева заявіла, што калі перагаворы з Казахстанам зойдуць у тупік, то Расія зможа вырашыць праблему і сама. Яна выказала ідэю абкласці інтэрнэт-заказы з-за мяжы зборам у памеры 10-15 еўра пры кошце пасылкі 22-150 еўра.

Прэзідэнт Асацыяцыі кампаній інтэрнэт-гандлю Аляксей Фёдараў (адзін з ініцыятараў дыскусіі аб пошлінах) адзначыў, што прапановы ФМС не змяніліся. «Нормы бяспошліннага ўвозу даўно неабходна зніжаць, замежныя інтэрнэт-магазіны павінны стаць расійскімі падатковымі агентамі», — сказаў ён.

0
raul gonzalez / Адказаць
27.04.2016 / 16:40
глупость без границ
0
студент / Адказаць
27.04.2016 / 16:41
Россия такое чувство проводит на белорусах испытания как на мышах с помощью Лукашенко и палатки так называемых народных избранников!
0
Inhvar / Адказаць
27.04.2016 / 16:42
Палiгон,палiгон,РБ для Расеi-палiгон(як i казаў Зянон)
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру