27.04.2016 / 19:40

Змены ў выбарчым працэсе: абяцаюць публічны падлік галасоў, але фарміраванне камісій практычна не зменіцца 36

На сённяшняй нарадзе кіраўніка ЦВК Лідзіі Ярмошынай з Аляксандрам Лукашэнкам было вырашана правесці выбары ў парламент 11 верасня. Аднак акрамя гэтага прэзідэнт ухваліў прапановы ЦВК аб тым, каб зрабіць выбарчы працэс больш празрыстым у адпаведнасці з рэкамендацыямі АБСЕ па выніках прэзідэнцкіх выбараў 2015 года. Пра тое, што зменіцца ў будучай кампаніі, распавяла Лідзія Ярмошына.

Кіраўнік ЦВК паведаміла, што на нарадзе з Аляксандрам Лукашэнкам было вырашана, што да прапаноў, якія датычацца выбарчага заканадаўства, суб'екты заканадаўчай ініцыятывы вернуцца пасля выбараў, у канцы гэтага года.

— Была ўзгодненая пазіцыя ЦВК: удасканаліць правапрымяняльную практыку і ўлічыць у ёй некаторыя прапановы БДІПЧ АБСЕ.

Сярод навінак будучых парламенцкіх выбараў — павышэнне празрыстасці працэсу фармавання выбарчых камісій.

— ЦВК падрыхтуе пастанову, якая будзе абавязковай для выканкамаў, аб парадку фармавання выбарчых камісій. Гэты працэс павінен праходзіць не толькі галосна, але і дыскусійна. У выпадку конкурсу на месцы ў выбаркамах павінна праводзіцца дыскусія і давацца тлумачэнні, чаму аддаецца перавага на карысць той ці іншай кандыдатуры.

Другая прапанова тычыцца празрыстасці разгляду выбарчых спрэчак.

— Усе рашэнні, якія выносяць выбарчыя камісіі ўсіх узроўняў, публікаваць у глабальнай сетцы Інтэрнэт.

Нарэшце, трэцяя прапанова — павышэнне празрыстасці пры падліку галасоў.

— Была ўзгодненая ініцыятыва ЦВК аб тым, што ўвесь падлік бюлетэняў будзе праводзіцца на адным баку стала. Назіральнікі будуць мець поўную магчымасць бачыць працэс падліку галасоў. Акрамя таго, назіральнікам будзе прадастаўляцца інфармацыя, якая не прадугледжана арт. 13 Выбарчага кодэкса, напрыклад, звесткі пра колькасць выбаршчыкаў, звесткі пра колькасць прагаласаваўшых выбаршчыкаў. Міжнародныя назіральнікі будуць дапушчаныя ў акруговыя камісіі пры прыёмцы пратаколаў ад участковых камісій.

Па словах Ярмошынай, гэтая практыка будзе цяпер распаўсюджаная на ўсе выбарчыя кампаніі.

0
Даядайма леташнюю бульбу / Адказаць
27.04.2016 / 19:49
"Назіральнікі будуць мець поўную магчымасць бачыць працэс падліку галасоў" Гурраа! Гэтая перамога дасягнутая дзякуючы высілкам сістэмнай апазіцыі і назіральнікаў на выбарах-2015. Байкотаўцы, а чаго дасягнулі вы? – Цкавалі кабету ды ў экстазе курчыліся ад зларадасці, калі ёй намалявалі 4,5%. Вечная ганьба. А мірныя перамены пераможна крочаць наперад, адкідаючы на ўзбочыну жыцця каляпалітычнае смецце. ТаК!
0
студент / Адказаць
27.04.2016 / 19:50
КУда еще прозрачней ума не приложу?
0
смяецца той, хто смяецца апошнім / Адказаць
27.04.2016 / 19:58
За ўсе выбары, якімі яна кіравала і якія не былі прызнанымі дэмакратычнымі БДІПЧ АБСЕ, і за ўсе факты фальсіфікацый, па якіх яна па закону павінна была прыняць меры і не прыняла, яе трэба выгнаць з старшынь і прыцягнуць да суду. Чаму да гэтага часу гарант Канстытуцыі гэта не зрабіў?
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру