27.04.2016 / 19:53

СМІ: Наўка прадае кватэру на Манхэтэне пасля афшорнага скандалу 11

Жонка прэс-сакратара прэзідэнта РФ Таццяна Наўка выставіла на продаж апартаменты на Манхэтэне пасля таго, як СМІ паведамілі, што яе імя фігуруе ў дакументах панамскіх фірмаў, публікацыя якіх справакавала «афшорны скандал», піша Delfi са спасылкай на Daily Mail.

ria.ru

Як паведамляецца, кватэра алімпійскай чэмпіёнкі па фігурным катанні прадаецца за $2 млн, пры гэтым адзначаецца, што апартаменты былі, хутчэй за ўсё, набытыя за $2,4 млн.

Выданне піша, што, паводле дадзеных сайта StreetEasy, цана на кватэру з моманту яе выстаўлення на продаж зніжалася чатыры разы.

У пачатку красавіка Дзмітрый Пяскоў, прэс-сакратар прэзідэнта Расіі, заявіў, што не збіраецца звяртацца ў суд з-за публікацый у СМІ аб яго жонцы Таццяне Наўцы, імя якой згадваецца ў «афшорным скандале». Ён адзначыў, што «там аспрэчваць няма чаго, таму што яна ж ні ў чым не абвінавачваецца і я ні ў чым не абвінавачваюся».

Раней паведамлялася, што ў ліку 12 расійскіх службовых асоб, якія, паводле дадзеных міжнароднага кансорцыума журналісцкіх расследаванняў, звязаныя з афшорамі і замежнымі рахункамі, аформленымі на іх або на іх сваякоў, аказаліся міністр эканамічнага развіцця Расіі Аляксей Улюкаеў, прэс-сакратар прэзідэнта Расіі Дзмітрый Пяскоў і экс-намеснік кіраўніка спраў прэзідэнта Іван Малюшын.

Адзначаецца, што журналісты не выявілі афшораў, якія наўпрост належаць Пяскову і Улюкаеву, аднак знайшлі афшорныя кампаніі на Дзмітрыя Улюкаева, сына міністра, і на жонку Пяскова Таццяну Наўку, якая зарэгістравала кампанію да свайго вяселля.

0
Заходні Беларус / Адказаць
27.04.2016 / 20:11
прыпякло...нічога, будзе й яшчэ...ўсё папрадаеце злодзеі, Амерыку ганьбяць пачвары, а хаты там за мільёны крадзеные купляюць...а расецы простыя 1000 год на дзірку ў гародзе круглы год лётаюць і ў лета і ў зімку.
0
И Ленин такой молодой, и юный октябрь впереди... / Адказаць
27.04.2016 / 20:15
крамлёўскія злодзеі ва ўладзе
0
калашный ряд / Адказаць
27.04.2016 / 20:49
Гнать эту шушару с наворованным из всех приличных мест! Им место среди таких же воров и жуликов в России.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру