27.04.2016 / 22:10

Двухгадовы хлопчык у ЗША выпадкова застрэліў маці 2

Двухгадовае дзіця ў амерыканскім горадзе Мілуокі (штат Вісконсін) выпадкова застрэліла сваю маці са знойдзенага ў машыне пісталета, паведамляе Wisn.com.

Трагічны выпадак адбыўся, калі 26-гадовая Патрыс Прайс кіравала аўто на адной з гарадскіх вуліц. Малы, які знаходзіўся на заднім сядзенні, знайшоў зараджаны пісталет і выпадкова спусціў курок. Куля прабіла кіроўчае крэсла, у якім сядзела Прайс, смяротна параніўшы жанчыну ў спіну. Яна памерла на месцы. Маці Прайс і яе яшчэ адзін аднагадовы сын, якія таксама знаходзіліся ў гэты момант у машыне, не пацярпелі.

Адзначаецца таксама, што ў момант інцыдэнту жанчына была за рулём аўтамабіля свайго маладога чалавека, які працуе ахоўнікам. Менавіта ён забыўся на заднім сядзенні свой пісталет.

Перад смерцю жанчына змагла спыніць машыну на абочыне. У яе засталося трое дзяцей.

0
Сын Родины / Адказаць
28.04.2016 / 05:16
Жах! Калi бабуля вырасцiць гэтае няшчаснае дзiця, то каб хапiла розуму нiчога яму не казаць... Бо гэта яшчэ адзiн патэнцыйны самазабойца. Бедны хлопчык...
0
1 / Адказаць
28.04.2016 / 11:06
Трэба яшчэ больш зброі ў абарачэнні! Гэта так абараняе!
Каб пакінуць каментар, калі ласка, актывуйце JavaScript у наладах свайго браўзеру