Нарвегія прыняла рашэнне аб будаўніцтве сцяны на мяжы з Расіяй, паведамілі ў міністэрстве юстыцыі і грамадскай бяспекі краіны.
Нарвежскі ўрад, паводле дадзеных прэс-службы міністэрства, прыняў аб рашэнне аб увядзенні новых мер бяспекі на прапускным пункце Стурскуг на расійска-нарвежскай мяжы.
Гаворка ідзе пра плот вышынёй каля 3,5 метраў і даўжынёй 200 метраў.
У ведамстве патлумачылі, што гэта рашэнне прынята, каб паказаць, наколькі Нарвегія сур'ёзна ставіцца да захавання дамоўленасцей у рамках Шэнгенскага пагаднення.
«Апошнія падзеі паказалі тое, як важна дакладна ведаць, хто пранікае на тэрыторыю Нарвегіі і Шэнгенскай зоны», — заявіў прадстаўнік міністэрства.
Паводле яго слоў, расійскія ўлады былі праінфармаваныя аб планах Нарвегіі.
Нарвежскае выданне NRK раней паведаміла, што аб узвядзенні сцены папрасіла кіраўнік паліцыі раёна Фінмарк, які мяжуе з Расіяй, Элен Катрын Хаета. Яна баіцца, што прыток бежанцаў у краіну можа выйсці з-пад кантролю. Паводле дадзеных выдання, нарвежскія ўлады баяцца паўтарэння крызісу з бежанцамі, які адбыўся ў мінулую восень, калі ў краіну пачалі прыязджаць мігранты праз мяжу з Расіяй.
Сцяну на мяжы з Расіяй збіраецца ўзводзіць і Эстонія. Грошы з бюджэту краіны на гэтыя мэты выдзеленыя ўжо ў гэтым годзе.
«Агульны кошт будаўніцтва высокатэхналагічнай мяжы арыентыровачна перавысіць 70 млн еўра. Наша мэта — завяршыць будаўніцтва памежнай інфраструктуры да 100-годдзя Эстонскай рэспублікі, якое будзе адзначацца у 2018 годзе», — цытуе Інтэрфакс міністра ўнутраных краіны спраў Хана Пеўкура.
Паводле дадзеных агенцтва, асноўная мэта ўзвядзення сцяны — гэта прадухіленне незаконнага перасячэння мяжы і зніжэнне злачыннасці. Вышыня сцяны складзе 2,5 метра, а працягласць — 90 км. Агульная працягласць расійска-эстонскай мяжы пры гэтым 138 км.
Таксама будаўніцтва сцяны на мяжы з Расіяй пачала Латвія. Улады краіны патлумачылі, што спрабуюць справіцца з праблемай нелегальнай міграцыі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)