Грамадства44

У двух затрыманых 29 красавіка ў Мінску веласіпедыстаў прайшлі вобшукі

У двух затрыманых 29 красавіка ў Мінску веласіпедыстаў прайшлі вобшукі, паведаміў праваабарончы рэсурс spring96.org.

Станіслава Канавалава 30 красавіка прывялі дадому ў кайданках супрацоўнікі міліцыі. Пры суседзях, якія былі панятымі, правялі вобшук: шукалі флэш-назапашвальнікі і іншыя носьбіты інфармацыі. У выніку забралі жорсткі дыск камп'ютара, пасля чаго з'ехалі разам з затрыманым. Аналагічныя падзеі адбыліся і з іншым затрыманым — Дзмітрыем Паліенкам.

Увечары 29 красавіка праваабаронцы паведамілі аб затрыманні не менш як шасці веласіпедыстаў — удзельнікаў акцыі «Крытычная маса», у тым ліку грамадзяніна Расіі. Прыкладна 35 чалавек сабраліся каля опернага тэатра, каб праехаць па горадзе на веласіпедах і заявіць аб правах веласіпедыстаў на дарозе. Таксама на месцы збору было заўважана 10 супрацоўнікаў міліцыі ў цывільным і чатыры амапаўцы. За падзеямі сачыў назіральнік ад Беларускага Хельсінкскага камітэта Кірыл Кожанаў, які ехаў па тратуары ў канцы калоны. Ля стэлы «Мінск — горад-герой» канец калоны веласіпедыстаў падрэзаў бардовы мікрааўтобус, адтуль выскачылі супрацоўнікі АМАП, якія затрымалі шэсць чалавек, у тым ліку назіральніка БХК. «Маладых людзей закінулі ў аўтобус тварам у падлогу, ім наносілі ўдары ў жывот і па тварах. Зверху на затрыманых закінулі веласіпеды і адвезлі ў Цэнтральнае РУУС. Магчыма, затрыманая большая колькасць удзельнікаў «Крытычнай масы», — паведамлялі праваабаронцы.

Назіральнікі, якія знаходзіліся каля РУУС, «бачылі праз акно, як хлопцаў па чарзе падводзілі да стала і давалі распісацца ў паперах. Потым усіх затрыманых паставілі тварам да сцяны, а ў гэты час да будынка пад'ехаў бардовы мікрааўтобус, у якім прывезлі хлопцаў». «Прыкладна ў 23.30 аднаго з хлопцаў адпусцілі. Ён паведаміў, што затрыманымі застаюцца яшчэ пяць чалавек, усіх прымушалі падпісаць пратакол аб адміністрацыйным правапарушэнні. Двое хлопцаў адмовіліся гэта рабіць, у іх забралі асабістыя рэчы, у тым ліку шнуркі. Хлопцаў выпускаюць, з РУУС выкочваюць веласіпеды затрыманых. Але дваіх, што не падпісалі пратаколы, відавочна адвязуць у ЦІП», — пісалі праваабаронцы.

ГУУС Мінгарвыканкама апублікавала ў сацыяльных сетках сваю версію інцыдэнту з групай веласіпедыстаў: «Каля тэатра оперы і балета сабраліся веласіпедысты ў колькасці ад 20 да 30 чалавек. Некалькі з іх мелі пры сабе чорна-зялёныя сцягі. Прыкладна ў 19.20 калона накіравалася ў бок музея Вялікай Айчыннай вайны. У раёне стэлы «Мінск — горад-герой» група веласіпедыстаў, груба парушаючы патрабаванні правіл дарожнага руху, выехала на праезную частку. На неаднаразовыя патрабаванні супрацоўнікаў ДАІ (апошнія вымушаныя былі выкарыстаць гукаўзмацняльную апаратуру і пробліскавыя маячкі) не рэагавалі. Пры спробе спыніць супрацьпраўныя дзеянні і вярнуць іх на тратуар, парушальнікі правапарадку аказалі непадпарадкаванне законным патрабаванням супрацоўнікаў міліцыі. А адзін з удзельнікаў кінуўся ў бойку з супрацоўнікам ДАІ, пашкодзіўшы яму форменнае абмундзіраванне. Шасцёра завадатараў бойкі былі затрыманыя і дастаўленыя ў Цэнтральнае РУУС г. Мінска для разбору. Іх дзеянням даецца прававая ацэнка. Больш падрабязна пра здарэнне мы раскажам заўтра раніцай».

Разам з тэкстам апублікаваная фатаграфія падранай курткі супрацоўніка ДПС.

Раніцай 30 красавіка больш падрабязнай інфармацыі ГУУС не з'явілася. Па стане на поўдзень 1 мая яна па-ранейшаму адсутнічала.

«Крытычная маса» — сусветны рух веласіпедыстаў, якія збіраюцца ў сваіх населеных пунктах у апошнюю пятніцу месяца.

Каментары4

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Усе навіны →
Усе навіны

У цэнтры Брэста паставілі гіганцкі помнік гузіку9

Праект Belaruskicry прызнаны экстрэмісцкім фармаваннем4

«Прапаноўваў два блокі Winston, каб перадалі Знаку ліст». Былы палітвязень Дзмітры Міхайлаў — пра Максіма Знака

У Мінску здарыўся чарговы патоп

Шрайбман: Лукашэнка больш прагматычны за Пуціна10

У Закарпацці падлеткі 13, 14, 16 і 17 гадоў згвалтавалі 46-гадовую жанчыну3

Палітвязню з Маладзечна, у якога няма адной нагі, прысудзілі 4 гады калоніі1

Блогер-канспіролаг Вірус спыняе сваю дзейнасць, бо ніхто яму не данаціў13

«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне1

больш чытаных навін
больш лайканых навін

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Галоўнае
Усе навіны →

Заўвага:

 

 

 

 

Закрыць Паведаміць